GREQI- Psikologja e Caroline, Eleni Milonopoulou, ka shuar të gjitha hipotezat që donin burrit e 20-vjeçares si përgjegjës për vrasjen e saj makabre.
Nga sytë e psikologes, jeta e familjes greke ishte e qetë dhe e lumtur, ata ishin gjithmonë të përqafuar dhe Charalambos, ishte një bashkëshort tepër suportues.
Milonopoulou, tha se Caroline ishte e lumtur, vetëm se vuante pak nga ankthi për shkak se vajza e saj e vogël ka lindur para kohe dhe për arsye së është bërë nënë në një moshë kaq të re.
![](https://shqiptarja.com/template/img/NO_ALFA_Kuadrate shqiptarja.png)
“Unë jam psikologe dhe mund të shoh dhe pas buzëqeshjeve, atë qe nuk është reale. Caroline nuk kishte asgjë. Ishte një nënë e re me shumë ankth për fëmijën e saj që e ka lindur edhe para kohe”, tha ajo.
Hipotezat e fundit se Charalambos ka një lidhje me vrasjen e bashkëshortes së tij, e kanë mërzitur shumë psikologen e Caroline.
“Më mërzisin këto hipoteza. Charalambos, po përjeton një dramë me dinjitet dhe nuk e di dhe sa do të mbajë që mos të thyhet”, shprehet ajo.
Disa ditë më parë, hetimet për vrasjen e 20-vjeçares britanike Caroline nga një grup grabitësish kanë marrë një tjetër kthesë. Sipas mediave greke, mister mbetet roli i bashkëshortit të saj. Teksa kanë zbardhur deklaratën e policisë, një pjesë e mediave greke ngrenë dyshime mbi lëvizjet e dyshimta të autorëve, që sipas tyre mund të jenë dhënë vetëm nga një i njohur i familjes.
Po ashtu Carolina kishte siguruar jetën e saj për shifrën 1.000.000 euro, fakt që ka ngritur dyshime tek bashkëshorti i tij, tha Stavros Balaskas, duke folur për ANT1.
Kanë kaluar 20 ditë nga vrasjes makabre e Carolines së pafajshme, e cila la frymën e saj te fundit pranë foshnjës dhe bashkëshortit të lidhur “kokë e këmbë” nga grabitësit, që hynë në shtëpinë e saj për të vjedhur.
Pavarësisht se policia nuk ka ndalur punë asnjë moment, nga dita e “zezë” e vrasjes makabre, ende gjithçka mbetet një mister.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)