"Spiuni iranian” Daniel Abed Khalife ka zënë faqet e para të mediave britanike pasi u arratis në mënyrë spektakolare nga burgu i Wandsworth të mërkurën në mëngjes.
Për gjetjen e Khalife, një ushtar i trajnuar ka nisur një operacion edhe nga Komanda Kundër Terrorizmit. Policia britanike ofron një shpërblim prej 20 mijë £ për atë që jep informacione që do të çonin në arrestimin e tij.
Khalife u arratis nga burgu duke u fshehur poshtë një kamioni mallrash pasi doli nga kuzhina e burgut me uniformën e një kuzhinieri. Hetuesit kanë marrë informacion se një person që i përshtatej përshkrimit të Khalife ishte parë duke u larguar nga një furgon pranë hyrjes jugore të rrethrrotullimit Wandsworth.
![](https://shqiptarja.com/template/img/NO_ALFA_Kuadrate shqiptarja.png)
Më vonë edhe një shitës dyqani njoftoi se kishte parë “një tip të gjatë, të dobët me flokë të errët” të cilin më vonë e lidhi me imazhin e Khalife kur e pa në TV. Autoritetet kanë vendosur një alarm mbarëkombëtar që ka çuar në forcim të sigurisë në porte dhe kufij. Policia tha se Khalife nuk përbën kërcënim për publikun e gjerë, por këshillon njerëzit që të mos i afrohet atij dhe të telefonojë menjëherë 999. Më shumë se 150 oficerë janë përfshirë në këtë operacion.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)