U futën me makinë në oborrin e shkollës dhe kundërshtuan me dhunë policët, në pranga dy të rinjtë në Berat

Dy persona janë vënë në pranga nga policia e Beratit, pasi hynë me makinë në oborrin e një shkolle publike, gjatë pasdites, si dhe kundërshtuan me dhunë, punonjësit e Policisë që ndërhynë për t’i larguar.

Në pranga kanë rënë Krijos Kasollja 39 vjeç dhe Ergys Kanani 36 vjeç të dy banues në Berat.

Pas konstatimit, se dy persona të paautorizuar kishin hyrë më makinë në oborrin e një shkolle publike shërbimet e Policisë kanë shkuar menjëherë në vendngjarje.

Pasi janë afruar, i kanë kërkuar shoferit të makinës që ndodhej në oborrin e shkollës , që të paraqesë dokumentet dhe autorizimin për të qëndruar në këtë ambient.

As shoferi dhe as pasagjeri që ndodhej me të në makinë, nuk kanë pranuar të japin dokumentet dhe kanë kundërshtuar me dhunë punonjësit e Policisë, për të mos kryer veprime të mëtejshme procedurale.

Gjithashtu, u ushtrua kontroll në automjetin tip "Benz", në të cilin nuk u konstatua asnjë send i kundërligjshëm.

Materialet procedurale i kaluan Prokurorisë Berat, për veprime të mëtejshme.

M.T/Shqiptarja.com

TAG:
• krijos kasollja
• ergys kanani
• Kundërshtimi i punonjësit të policisë
• Berat