U kap me drogë në Turqi? Avokati i stilistit të njohur: E pavërtetë, ka pasur një çantë dore dhe e ka harruar në aeroport

Stilisti i njohur nga Prishtina, Valdrin Sahiti, është kthyer të enjten në personazhin publik më të diskutuar të momentit. Kjo pasi në disa media online, u raportua se i njëjti ishte kapur nga autoritetet turke me posedim të substancave narkotike në Aeroportin e Stambollit, duke shfrytëzuar pasaportën diplomatike.

Megjithatë këto akuza po i hedhë poshtë avokati i tij, Besnik Berisha, i cili në një bisedë për Telegrafin ka treguar se ka kontaktuar me Valdrinin dhe se stilisti nuk ndodhet i arrestuar në shtetin turk, por në Dubai të Emirateve të Bashkuara Arabe.

“Nuk janë të vërteta lajmet që kanë qarkulluar për Valdrinin sot. Ndaj tij nuk është inicuar asnjë precedent penal dhe nuk është ndaluar nga autoritetet turke. Ai ndodhet në Dubai, ku po vazhdon aktivitetet e tij biznesore”, tha Berisha për Telegrafin.

Më tej ai theksoi se ka pasur vetëm një ngatërrese të vogël sa i përket një çante, të cilën ai e ka harruar në aeroport.

“Valdrini ka pasur një çantë dore të cilën e ka harruar në aeroport dhe gjatë udhëtimit të tij i ka rënë ndër mend dhe e ka kërkuar çantën që ta marrë mbrapsht. Sigurisht që stafi i aeroportit e kanë konfirmuar që çanta është e tij dhe ia kanë dërguar më pas mbrapa”, shtoi avokati i stilistit të njohur.

Lajmi kryesor:

Stilisti i njohur Valdrin Sahiti arrestohet në Turqi, u kap me drogë! Nxori pasaportën diplomatike për të kaluar në zonën VIP

M.Q./Shqiptarja.com

TAG:
• turqi
• kosove
• valdrin sahiti