VIDEO/ U kap me pushkë dhe municion luftarak, pranga 18-vjeçarit në Sarandë! Dyshohet se do i shiste

SARANDË- Një 18-vjeçar është arrestuar në Sarandë, teksa ka qenë duke lëvizur me motor, ndërsa ka pasur me vete një pushkë dhe municion luftarak.

Dyshohet se 18-vjeçari Ledion Vaja do ta shiste në qytetin e Sarandës pushkën dhe municionin luftarak. Në pamje shihet edhe momenti arrestimit të adoleshentit, ndërsa në kokë mban skafandrën e motorit.

"Gjatë kontrollit fizik ndaj 18-vjeçarit, i cili në momentin e ndalimit nga Policia udhëtonte me një motomjet, shërbimet e Policisë i gjetën 1 armë zjarri pushkë, krehër dhe municion luftarak, të cilat dyshohet se ky shtetas do t’i shiste në qytetin e Sarandës", njofton policia.

Ndërkohë, policia ka arrestuar një 20-vjeçar, Orhan Xhango, dhe ka vënë në hetim një 17-vjeçar, pasi dyshohet se kishin dijeni për këtë rast.

Arma e zjarrit pushkë, municioni luftarak dhe motomjeti që drejtonte 18-vjeçari, në momentin e kapjes në flagrancë nga Policia, u sekuestruan në cilësinë e provës materiale.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.    

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë