U kapën me armë pa leje dhe kokainë të ndarë në doza, arrestohen 2 persona në Tiranë (Emrat)

Dy persona, të identifikuar si Armand Rika dhe Juxhin Gjon Bocari janë arrestuar nga policia e Tiranës pasi u kapën me armë pa leje dhe kokainë të ndarë në doza.

Në afërsi të vendit të quajtur “Pallati me shigjeta”, forcat blu kanë ndaluar automjetin tip ‘Opel’ që drejtohej nga Armand Rika, 34 vjeç ndërsa pasagjer ishte Juxhin Gjon Bocari, 30 vjeç. Gjatë kontrollit të automjetit, punonjësit e Policisë kanë gjetur një armë zjarri pistoletë dhe municion luftarak. 

Ndërsa në banesën e Rikës, në rrugën "Jaho Gjoliku", u gjetën sasi municioni luftarak, sasi lënde e dyshuar narkotike e llojit kokainë e ndarë në doza, pajisje që shërbejnë për kultivimin e bimëve narkotike dhe dy peshore elektronike, të cilat u sekuestruan në cilësinë e provës materiale, së bashku me armën e zjarrit pistoletë dhe automjetin.  

Rika akuzohet veprat penale "Mbajtja pa leje dhe prodhimi i armëve, armëve shpërthyese dhe i municionit" dhe "Prodhimi dhe shitja e narkotikëve".

Ndërsa Bocari akuzohet për veprën penale "Moskallëzimi i krimit", i dënuar më parë për vrasje mbetur në tentativë, përndjekje dhe prodhim dhe shitje narkotikësh.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A i përballoni dot pushimet e verës me rritjen e çmimeve?



×

Lajmi i fundit

John

Sot i vendosën eksploziv në garazhin e hotelit në Sarandë, historia përsëritet për drejtorin e FSDKSH- së! Një vit më parë tritol në tarracë