POP 5

Lajmet më të lexuara të 5 minutave të fundit

Bota

U kishte para borxh, shqiptarët dyshohet se ekzekutuan biznesmenin ekuadorian

Mafia shqiptare në Ekuador duket se ka gisht në vrasjen e biznesmenit Rubén Cherres, i cili u gjet i vdekur më 31 mars 2023, së bashku me tre persona të tjerë, në një banjë në Punta Blanca, në veri të provincës të Shën Helenës.

U kishte para borxh, shqiptarët dyshohet se ekzekutuan biznesmenin ekuadorian

Biznesmeni ekuadorian Ruben Cherres

Mafia shqiptare në Ekuador duket se ka gisht në vrasjen e biznesmenit Rubén Cherres, i cili u gjet i vdekur më 31 mars 2023, së bashku me tre persona të tjerë, në një banjë në Punta Blanca, në veri të provincës të Shën Helenës.

Një nga transkriptet e dosjes Encuentro, të publikuar nga Prokuroria, përmban një bisedë në të cilën përmenden synimet e supozuara ndaj Cherres, sepse ai u kishte para borxh shqiptarëve.

Transkripti korrespondon me një bisedë mes disa personave në një shtëpi, e cila është regjistruar. Bashkëbiseduesit nuk identifikohen me emrat dhe mbiemrat e tyre, por me akronimet VM (zëri i një personi mashkull) dhe VF (zëri i një personi femër).

Fragmenti  në të cilin përmendet se shqiptarët donin të vrisnin Charres:
VM3: …shqiptaret duan ta vrasin se ka marre nje faturë, i them, a je i sigurt se nuk ka arritur të paguajë disa milionë dollarë dhe duan ta vrasin…
Në një tjetër transkript thuhet se Cherres ishte partneri i një shqiptari.
VM3: Kumbar, shiko seriozisht se çfarë mund të bëhet
VM1: Pana, nuk do të përfshihem.
VM3: Nuk po them përfshihuni, por le të flasim me dikë
VM1: Jo, jo…ti e njeh Tonny-n apo jo
VM3: Cilin?
VM1: Pana Shqiptari
VM3: Jo
VM1: Ai është partner i Cherres

Sipas Prokurorisë, Rubén Cherres dhe Danilo Carrera, kunati i ish-presidentit Guillermo Lasso, ishin drejtuesit e një organizate kriminale që përfitoi në mënyrë të paligjshme ekonomike nga tre institucione publike: Korporata Kombëtare e Energjisë Elektrike (CNEL), Shërbimi Doganor (Senae) dhe BanEkuador. Procesi gjyqësor ndaj strukturës së dyshuar kriminale ka nisur në muajt e fundit të vitit 2023.

Më 25 mars 2024, Ministria Publike, e drejtuar nga Prokurorja e Përgjithshme Diana Salazar, bëri publike një pjesë të dosjes së çështjes Encuentro , e cila u grumbullua me hetimin e León de Troya.

Informacioni i zbuluar deri më tani përmban biseda që i atribuohen Rubén Cherres dhe njerëzve të tjerë, si dhe transkriptet e bisedave të regjistruara në një pronë.

Lidhur me hetimin e vrasjes së Cherres, më 2 shkurt të këtij viti një gjyqtar nga Santa Elena thirri në gjyq të dyshuarit José Z. dhe Álex M., të cilët u arrestuan më 13 korrik 2023 gjatë një operacioni të Policisë Kombëtare.

G.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43