U la jashtë Konyasporit se protestoi për pagat, Sokol Cikalleshi zgjedh ekipin e ri

U la jashtë Konyasporit se protestoi për pagat, Sokol Cikalleshi zgjedh ekipin e ri

Sokol Cikalleshi

Al Khaleej në Arabinë Saudite është e interesuar për shërbimet e Sokol Cikalleshit. Sulmuesi i Kombëtares ka edhe gjashtë muaj kontratë me Konyasporin në Turqi, klub ky që e la jashtë për ndeshjen e fundit kundër Galatasaray.

Kavajasi ka tre muaj pa marrë pagat nga Konyaspor dhe protesta e 33-vjeçarit ka bërë që klubi ta përjashtojë nga ekipi. Çudirat nuk kanë fund këtu, me Cikalleshin që nuk është lojtari i vetëm i papaguar.

Futbollisti i Kombëtares ka shënuar tetë gola këtë edicion dhe është ndër lojtarët më të mirë të ekipit. Tanimë duket se palët kanë një krisje dhe Cikalleshi mund të largohet që këtë janar.

Ish-skuadra e tij e sezonit të shkuar ku luajti në huazim, Al Khaleej është e interesuar të afrojë sërish Cikalleshin dhe duke përfituar nga pozitat e tij te Konyaspor dhe dëshira e sulmuesit është të ketë minuta në këmbë, kjo para Euro 2024 ku Shqipëria luan në finalet e Gjermanisë.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Mero Baze: Nevoja për një qasje të re ligjore për industrinë e detit dhe plazhet shkëmbore

Mero Baze: Nevoja për një qasje të re ligjore për industrinë e detit dhe plazhet shkëmbore