POP 5

Lajmet më të lexuara të 5 minutave të fundit

Kronikë

U mbytën duke peshkuar në liqenin e Bradomirës, polumbarët gjejnë edhe trupin e pajetë të peshkatarit tjetër (VIDEO)

Në liqenin e Bradomirës në Pogradec humbën jetën Arben Pupa, 50 vjeç si dhe Ramazan Kojtari, 56 vjeç. Për këtë të fundit kërkimet vijuan ditën e sotme nga polumbarët e RENEA-s. Pas dy orë kërkimesh, polumbarët gjetën trupin e pajetë të Ramazan Kojtarit.

POGRADEC - Polumbarët e RENEA-s gjejnë edhe trupin e pajetë të peshkatarit tjetër që humbi jetën ditën e djeshme në liqenin e Bradomirës në Pogradec. Dy peshkatarët Arben Pupa, 50 vjeç dhe Ramazan Kojtari, 56 vjeç u mbytën teksa kishin dalë për të peshkuar (Lexo këtu). Trupi i pajetë i peshkatarit Pupa u gjet dje nga banorët e fshatit pasi uji e kishte nxjerrë atë në sipërfaqe, ndërsa nuk kishte asnjë gjurmë për peshkatarin tjetër Ramazan Kojtari. Kërkimet për të u ndërprenë mbrëmjen e djeshme për shkak të errësirës dhe temperaturave të ulta. 

Kërkimet për të fundit kërkimet rinisën mëngjesin e sotëm nga polumbarët e RENEA-s. Pas rreth dy orësh, polumbarët gjetën trupin e pajetë të 56-vjeçarit në thellësinë e rezervuarit. Gazetarja e Report Tv në Korçë, Iris Rezhda raporton se ekipi i polumbarëve hasi në vështirësi gjatë kërkimeve për shkak të temperaturave nën zero çka bëri që ata të përdonin rrjetat në vend të zhytjes në liqen. Pikërisht falë tyre, u bë e mundur edhe gjetja e trupit të pajetë të Kojtarit. 

Varka me të cilën po peshkonin dy peshkatarët

Dy peshkatarët kishin dalë për të peshkuar në liqenin me një varkë mesditën e djeshme kur u mbytën. Shkak për ngjarjen dyshohet të ketë qenë mbingarkesa pasi kishin kapur rreth 200 kg peshk, duke bërë që varka të fusë ujë dhe për të rrjedhojë të përmbyset bashkë me dy peshkatarët. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kurbin/ Punëtori ra në makinerinë e inerteve dhe humbi jetën, arrestohet një nga bashkëpronarët! Hoqi edhe DVR e kamerës, 2 ende në kërkim (EMRI)

Kurbin/ Punëtori ra në makinerinë e inerteve dhe humbi jetën, arrestohet një nga bashkëpronarët! Hoqi edhe DVR e kamerës, 2 ende në kërkim (EMRI)

25 Nëntor, 17:32