REPORT TV siguron fotot e kohëve të fundit të Laert Haxhisë dhe Orges Bilbilit, të cilët janë autorët e vrasjes së Zamir Latifit dhe Jurgen Hoxhës në 2017 ne Lushnje. Laert Haxhia pas vrasjes së dyfishtë në Lushnje u pajis me pasaportë nga drejtoria në Fier, pavarësisht se ishte në kërkim duke shënuar një skandal. Ata janë në kërkim nga viti 2017 për masakrën, ndërsa pavarësisht disa aksioneve të policisë nuk janë kapur. Pak ditë më parë RENEA dhe FNSH rrethuan një banesë fshatin Rremas në Divjakë, pasi dyshuan se fshiheshin aty, por në përfundim të operacionit mbeti i plagosur një i moshuar, ndërsa autorët nuk u gjendën.
Kush janë Laert Haxhiu dhe Orges Bilbili (Skeda)
Laert Haxhiu dhe Orges Bilbili janë përfshirë ne vrasje, plagosje, vjedhje, trafik droge etj. Sipas të dhënave zyrtare që tashmë rezultojnë në dosjet e Prokurorisë e Gjyqësorit, Laert Haxhiu është autor i vrasjes së anëtarit te grupit të Aldo Bares, Gerti Lala, 29 vjeç.
Ngjarja ku i riu që njihej me nofkën “Iriqi” mbeti i vrarë, ndodhi më 8 korrik të vitit 2010. Viktima njihej si pjesë në bandën e Aldo Bares. Për këtë krim, Laert Haxhiu u dënua me 32 vjet burg, por me vendim të Gjykatës së Apelit ai u lirua pas tri vitesh. Lirimi i tij u argumentua me mungesën e provave.
Ai doli nga burgu në fund të 2014-s, ndërsa u arrestua sërish në qershor të vitit 2015 në Durrës, për trafik heroine gjatë operacionit të koduar “Smart”, ku u sekuestrua një sasi prej 1.2 kg heroinë. Gjatë operacionit për arrestimin e tij, Laert Haxhiu tentoi të arratisej me këmbë dhe u hodh nga një mur i lartë 4 metra, ku theu këmbën.
Në momentin e prangosjes, ai i tha Policisë se u largua pasi mendoi se ishin njerëzit e Aldo Bares që e ndiqnin dhe u frikësua. Në fund, Gjykata e Durrësit e dënoi Haxhiun për moskallëzim krimi, duke dhënë 17 muaj burgim për të, pavarësisht se Prokuroria e Durrësit kërkoi dënimin e tij me 8 vite burg si i përfshirë në trafik droge. “Gjykata, në bazë të neneve 379 e vijues të K. Pr. Penale, vendosi: 1- Të deklarojë fajtor të pandehurin Laert Haxhiu, për veprën penale “moskallëzim krimi”, dhe në bazë të N.300/1 të K. Penal e dënon me 26 (njëzetë e gjashtë) muaj burgim.
Në aplikim të N. 406 të K. Pr. Penale, i ulet 1/3 e dënimit, duke e dënuar përfundimisht të pandehurin Laert Haxhiu me 17 muaj e 10 ditë burgim. Vuajtja e dënimit të pandehurit Laert Haxhiu i fillon nga dita e arrestimit, datë 10.6.2015″, thuhet në vendimin e dhënë më 19 maj të vitit 2016 nga Gjykata e Durrësit. Sipas Gjykatës, lidhur me ngjarjen, Haxhiu deklaroi se ditën e ngjarjes është nisur rreth orës 12:00 – 12:30 nga shtëpia e tij në Lushnjë, me makinën e të fejuarës së tij dhe me mikun e tij të quajtur Saimir Taullau.
Me shtetasin Saimir Taullau njihet pasi e ka mik shtëpie, por nuk ka dijeni se ai merret me trafik apo me shitje të lëndëve narkotike. Haxhiu kishte edhe një linjë autobusësh me Greqinë dhe dyshohet se e ka përdorur edhe për trafik ndërkombëtar të lëndëve narkotike.
Haxhiu rezulton se ishte shoku i ngushtë i Saimir Taullaut. Në vitin 2005, vëllai i Saimir Taullaut, Baki Taullau, është ekzekutuar me armë zjarri. Familja Taullau njihet për konfliktin e hapur me bandën e Aldo Bares. Familja Taullau ka akuzuar bandën e Lushnjës për vrasjen e Baki Taullaut në vitin 2005. Babai i Xhulios, Ramadan Shkurti, u ekzekutua në vitin 1997 nga Artur Daja dhe bashkëpunëtorët e tij.
Ndërkaq, bashkëpunëtori i Haxhiut në vrasjet Lushnjë në 2017, Orges Bilbili, rezulton se është dënuar me 7 vite e 4 muaj burgim për trafikim lëndësh narkotike. Ai rezulton person i shpallur në kërkim si bashkëpunëtor i pilotit italian, Giorgio Riformato, avioni i të cilit ngeci në bregdetin e Divjakës, teksa po përgatitej për të trafikuar lëndë narkotike nga Shqipëria për në Itali.
Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili. Bashkë me dy të plagosurit ka qenë edhe Zamir Latifi, i cili asokohe nuk pësoi plagë.
Lajme të tjera
-
Ekskluzive/ Zhdukja e Nertila Osmanit dhe Sonila Kryeziut 19 vite më parë, dëshmitarja në 'Pa Gjurmë': U vranë nga kreu i Bandës së Lushnjës, i groposi në dunat e Divjakës
9 Mars 2023, 17:21 -
Gjykata e Lartë lë në fuqi dënimin me burgim të përjetshëm për Aldo Baren
23 Dhjetor 2022, 09:22 -
I shpallur në kërkim për masakrën e Lushnjës në 2017, flet babai i Laert Haxhiut: Djali im ndodhet në arrati, se këtu s’ka drejtësi
2 Nëntor 2022, 11:26 -
I dënuar përjetë nga GJKKO, Orgest Bilbili kërkon pafajësinë në Apel! Një prej autorëve të Masakrës së Lushnjës në 2017-n
1 Qershor 2022, 10:42
-
Masakra e Lushnjës në 2017, GJKKO dënon me burg përjetë Orgest Bilbilin dhe Anterio Kaloshin! Rrëzohet akuza për atentat ndaj Xhulio Shkurtit
25 Janar 2022, 18:13 -
Masakra e Lushnjës në 2017-n, SPAK: Burg përjetë Orges Bilbilit dhe Anterio Kaloshit! Ekzekutuan 2 persona dhe tentuan vrasjen e nipit të Aldo Bares
2 Dhjetor 2021, 13:25
-
Kush po i vret 'adoleshentët' e bandës së Lushnjes?
19 Tetor 2021, 10:24 -
Ekzekutimi i ish anëtarit të bandës së Aldo Bares, u rrëmbye në Lushnjë dhe u vra në Peqin me 4 plumba, 3 në shpinë dhe një në kokë
18 Tetor 2021, 14:00 -
Gjendet i ekzekutuar me armë zjarri në Peqin ish-anëtari i bandës së Lushnjes! 38-vjeçari me dy emra, u vra 5 muaj pas doli nga qelia! I dënuar më parë për vrasje, kanosje e trafik droge!
17 Tetor 2021, 12:44 -
Vrasja e dhëndrit të 'Mustaqekuqit'/ Lufta e egër mes bandave të Lushnjes, përplasja me 'Hakmarrjen për Drejtësi'
24 Gusht 2021, 16:37 -
Kanosi me armë efektivin e policisë, dënohet me 5 vite burg Orges Bilbili
10 Mars 2021, 12:24 -
Masakra e Lushnjës, ja si shpëtoi nga plumbat nipi i Aldo Bares, iku për t'u qethur tek berberi
30 Tetor 2020, 14:31
