Itali/ U ekzekutua në plazhin Bora Bora, ‘Sky ECC’ zbulon porositësin e vrasjes së Selavdi Shelajt, pagoi 150 mijë euro (EMRI)

Itali/ U ekzekutua në plazhin Bora Bora, ‘Sky ECC’ zbulon porositësin e vrasjes së Selavdi Shelajt, pagoi 150 mijë euro (EMRI)

Pamje nga atentati ndaj shqiptarit në Itali

Detaje të reja kanë dalë në lidhje me vrasjen e Selavdi Shelaj, në 20 shtator 2020, në breg të detit në Bora Bora të Italisë.

Nga hetimet e deritanishme dyshohet se vrasja e Shelajt mund të jetë e porositur nga një bashkatdhetar i tij, Altin Sinomati.

Sipas mediave italiane, dyshohet se Altin Sinomati, i njohur si Aldo ose "Il Lungo" ka paguar 150 mijë euro Raul Esteban Calderon për të vrarë Shehajn.

Pas më shumë se 3 vitesh, hetimet në lidhje me këtë vrasje u pasuruan nga zbërthimi i bisedave në “Sky ECC”.

Sipas mediave, emri i porositësit ka dalë në këtë aplikacion, të përdorur në masë nga bota e krimit.

Sinomati ka komunikuar në këtë platformë me bashkëpunëtorin e Calderon në vrasjen e Shelajt, Giuseppse Molisso, ku kanë folur në lidhje me ngarkesa kokaine të humbura.

Vrasja e shqiptarit në breg të detit u bë në bashkëpunim mes argjentinasit dhe Molissos, ku njëri kishte gjetur armën e krimit dhe tjetri motorin me të cilin lëviznin atë ditë.

Sinomati prej disa kohësh është në kërkim nga autoritetet italiane, por që ende nuk është arritur gjurmimi i tij.

Shelaj u qëllua të dielën rreth orës 10 e gjysmë të paradites së 20 shtatorit 2020, teksa po frekuentonte plazhin “Bora Bora”.

Një person me rroba sportive i shoqëruar nga një tjetër me motor hapi zjarr ndaj 38-vjeçarit.

Fishekët e kalibrit 7,65 mm goditën shqiptarin në shpinë dhe një tjetër në shtyllën kurrizore, duke terrorizuar plazhistët e duke e lënë të paralizuar viktimën, ndërsa agresorët u zhdukën mes turmës pa lënë gjurmë.

Ai ndërroi jetë 48 orë pas ngjarjes pasi nuk arriti t’u mbijetojë plagëve të marra.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Me kalimin e ditëve...dëshira për hakmarrje rritet...çfarë thonë yjet për ju sot

Me kalimin e ditëve...dëshira për hakmarrje rritet...çfarë thonë yjet për ju sot