U rrëzua papritur në tokë gjatë stërvitjes, vdes në Argjentinë futbollisti 22-vjeçar

U rrëzua papritur në tokë gjatë stërvitjes, vdes në Argjentinë futbollisti 22-vjeçar

Andres Balanta

Futbolli kolumbian është në zi për vdekjen e Andres Balanta-s në moshën 22-vjeçare. Qendërmbrojtësi i ri vdiq në Argjentinë gjatë stërvitjes së ‘Atletico Tucuman’.

Federata Kolumbiane ka njoftuar vdekjen e papritur të 22-vjeçarit. Lojtari i Atlético Tucumán u rrëzua papritur dhe humbi ndjenjat në fushë gjatë stërvitjes me klubin e tij. Pavarësisht përpjekjeve të mjekëve, 22-vjeçari nuk ia doli dot. Paraprakisht thuhet se shkak i vdekjes të ketë qenë arresti kardiak.

“Jemi të shkatërruar. Një i ri 22-vjeçar humbi jetën”, është shprehur Mario Leito, president i Atletico Tucuman.

"Me keqardhje ju informojmë për vdekjen e Andres Balanta. Mbështetësit e klubit janë thellësisht të pikëlluar sot. Sigurisht, ne mbështesim familjen, shokët dhe miqtë e tij," tha për mediat drejtuesi  i Atletico Tucuman, Ignacio Golobisky.Balanta iu bashkua Atletico-s në korrik të vitit 2021 nga Deportivo Cali , klubi kolumbian ku filloi karrierën e tij në vitin 2019.Ai luajti për kombëtaren e Kolumbisë në Kupën e Botës U-20 2019 në Indonezi. Federata Kolumbiane e Futbollit shpreh keqardhjen për vdekjen e Andres Balanta-s, lojtarit të kombëtares së Kolumbisë në divizionet e saj të ndryshme”, tha Federata Kolumbiane në llogarinë e saj zyrtare në Twitter.

 

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet