U shemb nga tërmeti/ Veliaj i dorëzon çelësat e shtëpisë së re familjes në Pezë-Helmës: Vilë e stilit perëndimor

Në Pezë Helmës ka nisur edhe pilotimi i banesave të reja, të cilat do të përdoren për projektin e rindërtimit të shtëpive të dëmtuara nga tërmeti i 26 nëntorit. Bashkia e Tiranës njofton se shtëpia e parë e ndërtuar sipas këtij stili perëndimor, është ajo e familjes Lami në Pezë-Helmës. Shtatë anëtarët e familje Lami kanë hyrë në shtëpinë e tyre të re, shumë herë më të bukur dhe më të fortë se ajo që kishin.

“Jam shumë i lumtur sot që Beqiri, nusja e tij, djali me nusen, nipat e mbesat, janë futur në shtëpinë e re. Është tamam vilë e stilit perëndimor. Po ta shohësh, dallon nga shtëpitë e tjera në fshat. Ky do të jetë modeli i shtëpive të reja. Beqiri ka vuajtur shumë, sot është një hall më pak”, u shpreh Veliaj.

Ai nënvizoi se është vetëm çështje kohe sa të ndërtohen edhe 870 banesat e dëmtuara nga tërmeti i 26 nëntorit. “Do të vazhdojmë me 870 shtëpi të kësaj tipologjie; harxhojnë më pak, kanë termoizolim, kanë ndriçim led. Kanë kosto më të ulët mirëmbajtje, por edhe rezistencë më të madhe, ndaj si shtëpia e Beqirit do të bëjmë edhe 870 shtëpitë e tjera në Tiranë.

Më vjen mirë që në muajin e Ramazanit u puqën shumë mirësi bashkë, sepse sot është edhe ditë e shënuar për zonën e Pezës, si “5 Maji”, si një nga trevat më heroike me kontribute të mëdha të familjeve të dëshmorëve”, theksoi Veliaj.

d.ba./Shqiptarja.com
  • Sondazhi i ditës:

    Një ditë afat për reformën zgjedhore, a mendoni se palët politike do vendosin në favor të qytetarëve?

Komento

Komente

  • Lani: 07/05/2020 12:09

    Jep nje her rrogat per punonjsit ate be ti

    Përgjigju
  • Shitesi i fiqeve: 05/05/2020 17:54

    ......elbasanase! Keshtu quhet dhe eshte quajtur o perendimor

    Përgjigju


×

Lajmi i fundit

John

Disa gënjeshtra që duhen çmontuar nga propaganda e Vetëvendosjes