POP 5

Lajmet më të lexuara të 5 minutave të fundit

Kronikë

U vra në Itali nga ish bashkëshorti i gruas, flet daja e Flonino Mërkurit: Gabimi i tij i vetëm ishte se dashuroi

Familja Mërkuri në fshatin Grykë në Fier ka hapur dyert e mortit! Familjaret dhe banorët e zonës janë tronditur nga krimi i rëndë i ndodhur në Itali ku ish-bashkëshorti i Mynevere Karabollaj (Myrtaj) goditi për vdekje me thikë atë dhe bashkëjetuesin e saj 23- vjeçarin Flonino Merkuri

FIER- Familja Mërkuri në fshatin Grykë në Fier ka hapur dyert e mortit! Familjaret dhe banorët e zonës janë tronditur nga krimi i rëndë i ndodhur në Itali ku ish-bashkëshorti i Mynevere Karabollaj (Myrtaj) goditi për vdekje me thikë atë dhe bashkëjetuesin e saj 23- vjeçarin Flonino Merkuri.

Pas ngjarjes së rëndë është gjetur i vdekur në një magazinë edhe autori shqiptar. Daja i 23- vjeçarit Tajar Osmani mes dhimbjes shprehet se ngjarjen e mësoi gjatë natës dhe rrëfen se i vetmi gabim i djalit ishte se dashuroi një femër. Ai tregoi se Flonino dhe Myneverja shkonin shumë mirë me njëri tjetrin dhe ishin njohur prej 3 vitesh, ndërsa lidhjen e tyre e kishin bërë edhe familjare. 37-vjeçarja ishte e divorcuar prej 10 vitesh, tha ai dhe ishte braktisur nga ish- bashkëshorti.

‘Na morën në telefon natën dhe na treguan se çfarë ndodhi! Çfarë të kërkojmë? Ai që e bëri krimin i mori përsipër dhe vrau veten. Portalet ta mbyllin atë. Ë vërteta është se gabimi i djalit ishte se dashuroi një femër. Gabim tjetër nuk ka bërë djali. Femra ishte e divorcuar këtu e 10 vite më parë. Personi që bëri vrasjen ishte ish-burri i saj. djali kishte 3 vite me të. Nuk kemi se çfarë të themi. Presim që të vij trupi. Do bëjmë ato procedurat tona. Nuk ka pasur asnjë lloj paralajmërimi. Hera e parë shkoi dhe bëri krimin. Me vajzën kishte 3 vite. Ishte me një njohje familjare.’- u shpreh daja i 23-vjeçarit.

Ndërkohë mediat italiane kanë publikuar detaje të tjera nga tragjedia që tronditi Venecian, por edhe opinionin publik në Shqipëri.Sipas tyre ishte vajza 15-vjeçare që zbuloi tragjedinë. Pasi ishte kthyer nga një festë me miqtë zbuloi trupin e pajetë të 23-vjeçarit Mërkuri në garazhin e kësaj banese ku ajo jetonte me të ëmën dhe motrën 13-vjeçare të paralizuar, e cila ndodhej në atë kohë tek gjyshja.

Vajza njoftoi policinë pasi nuk po lidhej dot në telefon me të ëmën, trupi i të cilës u gjet më pas pa jetë në katin e parë të shtëpisë. Ndërsa ai i të atit, autorit të masakrës, u gjet nga policia një orë më vonë. Fqinjët thonë se Vera ishte një vajzë shumë e sjellshme, ndërsa shprehen të shokuar për krimin. Në trupin e Flonino Mërkurit u gjetën edhe shenja dhune, veç atyre të prerjes me thikë, çka tregon se 23-vjeçari mund të jetë përleshur me ish-bashkëshortin e partneres. Pas krimit të dyfishtë, ish bashkëshorti i saj, Viron Karabollaj, 40 vjeç, i cili është autori i ngjarjes, vrau veten dhe u gjet i vdekur në kasollen e kompanisë ku punonte

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bim: 22/11/2022 20:21

    Meshkujt shqiptare njerez tmerrsisht te dobet nga ana psiqike qe mendojn te rregullojn gjerat me thika, tmerr

    Përgjigju
    • Mos fol: 23/11/2022 16:31

      Zoti mos ta dhente ta provosh ne veten tende. Kaqqqq

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Militantë të Berishës protestojnë kundër Ramës në Londër (VIDEO)

Militantë të Berishës protestojnë kundër Ramës në Londër (VIDEO)

24 Nëntor, 12:59