POP 5

Lajmet më të lexuara të 5 minutave të fundit

Sociale

Në pritje të Pashkëve, katolikët kremtojnë ceremoninë e Udhës së Kryqit në sheshin ‘Nënë Tereza’! Besimtarët: U lutëm për mbarësi

Në prag të pashkëve, besimtarët katolikë kremtuan Udhën e Krishtit, ritin kryesor të së premtes së madhe, duke bërë 14 ndalesa, sa ishte kalvari i vuajtjeve të Jezu Krishtit pas dënimit. Rituali u drejtua nga Imzot Arjan Dodaj, Ipeshkvi i Durrësit dhe Tiranës, i cili dha mesazh për më shumë paqe dhe dashuri në familje.

Qindra besimtarë katolikë kremtuan udhën e kryqit në sheshin Nënë Tereza, një nga ritet më të rëndësishme të Pashkëve.

Gra, burra, fëmije, nga të gjitha grupmoshat ndezën qirinj për familjarët dhe të afërmit e tyre, duken u lutur për më shumë dashuri dhe paqe mes njëri-tjetrit. Me qirinj të ndezur në duar, ata ecën përreth sheshit “Nënë Tereza” duke u ndalur në 14 ndalesa, të cilat simbolizojnë edhe vuajtjet e Jezu Krishtit.

“U luta për mbarësi e shëndet për fëmijët”

“Për më shumë shëndet, lumturi për familjen”, shprehen qytetarët.

Imzot Arjan Dodaj, Ipeshkvi i Durrësit dhe Tiranës nga sheshi Nënë Tereza dha mesazhe paqeje, duke kujtuar vuajtjet e Krishtit, ku bërë thirrje për sa më shumë dashuri ne familje.

“Krishti dëshiron të ringjallë koshiencën, ndërgjegjen e re, sedrën e njeriut. Udha e kryqit nuk është një ringjallje më pas, është pikërisht tani. E neve tani jemi të thirrur të jemi krijesa të reja, Krishti na përfshin me forcën transformuese, shërbyese, çliruese”.

E premtja para pashkëve njihet si ‘e premtja e madhe’. Besimtarët katolikë presin të dielën e Pashkës, që është dita e ngjalljes, duke kaluar më parë nga Udha e Kryqit të së Premtes.

Rendit zhvillimet sipas orarit:
Ora 23:00
E Premtja e Zezë, Katedralja e Shkodrës organizon procesionin e 'Udhës së Kryqit'

Nga Katedralja e Shkodrës deri në varrezat e Rrmajit, besimtarët katolikë kanë marrë pjesë në ritin e së premtes së zezë në prag të festës së Pashkëve.

Procesioni është udhëhequr nga Arqipeshkvi i Shkodrës ndërkohë që qindra besimtarë kanë ndjekur në lutje këtë ditë e cila në kalendarin fetar për besimtarët shënon kalvarin e Jezu Krishtit.

B.K/Shqiptarja.com

G.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça