Një nga mënyrat më të mira e të shëndetshme për të nisur ditën është pirja e ujit me kastravec. Pirja e ujit është padyshim zgjidhja e parë për të pastruar organizmin, por duke shtuar kastravecin do të ndiheni dhe do të dukeni më mirë.
Pirja e ujit me kastravec në mëngjes me stomakun bosh do të ketë një ndikim të mrekullueshëm në organizëm. AgroWeb.org rendit më poshtë të gjitha arsyet e forta se përse duhet të pini ujë me kastravec çdo mëngjes.
Hidratimi
Hidratimi është shumë i rëndësishëm për shëndetin. Njeriu humbet lëngjet çdo ditë nëpërmjet frymëmarrjes, djersës dhe urinës. Përmbajtja ujore e ushqimeve ndihmon në hidratimin e trupit. Kur organizmi është i hidratuar, atëherë është më energjik dhe organet më në formë.
Tensioni i Gjakut
Tensioni i lartë i gjakut është një problem shëndetësor madhor që prek shumë njerëz në botë. Si pasojë e tij, njerëzit janë më të ekspozuar ndaj ishemisë, sëmundjeve të zemrës, veshkave dhe syve. Sipas të dhënave të AgroWeb.org kastravecët janë një burim i shkëlqyer i kaliumit, një mineral i rëndësishëm për njerëzit që vuajnë nga tensioni i lartë i gjakut.
Mbipesha
Shpesh etja maskohet si uri, gjë që na shtyn ta teprojmë me të ngrënin. Uji me kastravec është i mirë për të shuar etjen. Atë mund ta kombinoni me luleshtrydhe, limonë ose portokallë. Në këtë mënyrë ju mund të shmangni ushqimet e shpejta dhe kaloritë e tepërta që ju bëjnë të shtoni në peshë.
Lëkura
Hidratimi është i domosdoshëm për lëkurën dhe paraqitjen e saj. Kastraveci përmban 95% ujë dhe e hidraton atë. Sipas të dhënave të AgroWeb.org farat e kastravecit janë të pasura me vitaminë E dhe kalium që ndihmon në pakësimin e rrudhave, njollave dhe shenjave të tjera të moshës. Kastravecët mund t’i përdorni edhe për të zbutur rrathët e syve apo kundër djegies nga dielli.
Flokët
Kastraveci ndihmon rritjen e flokëve sepse përmban silikon, fosfor dhe kalçium. Pirja ditore e ujit me kastravec ju ndihmon të keni flokë të plotë e plot shkëlqim. Kastraveci përmban shumë antioksidantë që luftojnë radikalet e lira. Kësisoj, ju mund të pastroni organizmin nga toksinat.
Përgatitja e ujit me kastravec:
Lajeni kastravecin mirë duke përdorur sodë buke dhe ujë të rrjedhshëm. Në këtë mënyrë mund të largoni toksinat dhe pesticidet. Pas larjes, prijeni kastravecin në feta të holla dhe lëreni në ujë për disa orë. Shtoni sipas dëshirës limon, mente ose luleshtrydhe./AgroWeb/
Lajme të tjera
-
Si ndryshon trupi juaj kur pini ujë mjaftueshëm
24 Shtator, 16:59 -
Fluori mbi masën e rekomanduar ndikon tek inteligjenca e fëmijëve
22 Gusht, 08:22 -
Keni këmbë të enjtura, ja çfarë duhet të bëni për shërimin e tyre
17 Gusht, 19:08 -
Ja pse duhet të mendoheni dy herë, para se të pini ujë nga shishet plastike
8 Gusht, 17:35 -
Rritet tarifa e ujit për familjet korçare, vendimi kalon me votat e PS në këshill! Opozita kundër: Në fshatra mungon uji, pse të paguajnë?!
26 Korrik, 15:26
-
I nxehtë ekstrem, por në Blinisht të Lezhës 300 familje pa ujë! Bashkia: E shpërdoroni për vaditje
20 Korrik, 12:35
-
Përveç ujit, 6 këshilla si të qëndroni të hidratuar në këto ditë të nxehta
13 Korrik, 15:01 -
Cilat janë disa shenja që tregojnë se jeni të dehidratuar dhe keni nevojë për më shumë ujë
9 Korrik, 17:04 -
Si ndikojnë temperaturat e larta tek tensioni i gjakut
1 Korrik, 17:55 -
Në prag të sezonit turistik shtrenjtohet uji i pijshëm për bizneset në Durrës e Kavajë! Në Krujë rritet edhe për familjarët! Zbatimi nis nga 15 qershori
31 Maj, 14:00 -
Pse nuk duhet t'i lajmë flokët me ujë shumë të nxehtë?
18 Prill, 12:49 -
ERRU: Vetëm Korça garanton furnizim 24 orë me ujë! Kamza më ‘problematike’
3 Prill, 13:37
