Ukraina: Zmbrapsen sulmet ruse pranë nëntë vendbanimeve

Forcat e Armatosura të Ukrainës zmbrapsën sulmet e ushtrisë ruse pranë nëntë vendbanimeve më 31 dhjetor. Lajmi bëhet i ditur nga Shtabi i Përgjithshëm i Forcave të Armatosura të Ukrainës në një përditësim të mëngjesit të publikuar në Facebook, raporton “Ukrinform”.

“Gjatë 24 orëve të fundit, armiku kreu 31 sulme me raketa, 12 sulme ajrore dhe kreu më shumë se 70 sulme duke përdorur sisteme raketash të shumta lëshuese (MLRS). Infrastruktura civile e rajoneve Chernihiv, Sumy, Kiev, Khmelnytskyi, Donetsk, Zaporizhzhia, Mykolaiv dhe Kherson u vu nën sulmin e armikut. Të dhënat për viktima civile janë duke u verifikuar.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

Kërcënimi i sulmeve ajrore të armikut dhe sulmeve me raketa mbetet në të gjithë territorin e Ukrainës.

Gjatë ditës së kaluar, ushtarët ukrainas zmbrapsën sulmet e armikut në zonat Stelmakhivka, Ploshchanka dhe Bilohorivka në rajonin e Luhansk dhe Soledar, Bakhmutske, Bakhmut, Ozarianivka, Maryinka dhe Pobieda në rajonin e Donetsk.”, thuhet në njoftimin e Shtabit.

Lajmi kryesor:

Lufta/ Kievi bën llogaritë 'e xhepit' të Moskës: Ka raketa vetëm për tre sulme në shkallë të gjerë! 4 të vrarë dhe 50 të plagosur në bastisjet ruse të Vitit të Ri

S.C/Shqiptarja.com

TAG:
• Volodymyr Zelensky
• lufta ne ukraine