Ulet me 8 lekë për litër çmimi i naftës, nga sot shitet me 224 lekë litri! Benzina rritet me 6 lekë

Ulet me 8 lekë për litër çmimi i naftës, nga sot shitet me 224 lekë litri! Benzina rritet me 6 lekë

Foto ilustruese

Bordi i Transparencës njoftoi çmimin e ri të naftës, ku ka zbritur me 8 lekë e me pakicë do të shitet 224 lekë, ndërsa me shumicë 212 lekë. Benzina është rritur me 6 lekë, ku një litër do të shitet 198, ndërsa me shumicë 186 lekë. Gazi, nga ana tjetër, do të shitet 78 lekë litri me pakicë dhe 66 me shumicë.

“Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër. Çmimi i shitjes me pakicë i nënproduktit benzinë e standardit SSH EN  të  jetë jo më shumë se 198 lekë/litri,ndërsa i shitjes me shumicë jo më shumë se 186 lekë/litër. Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet”, thuhet në njoftimin e Bordit.

Çmimet e caktuara nga Bordi do të hyjnë në fuqi sot datë 15 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Këto çmime erdhën si rezultat i lëvizjes së çmimeve në bursën Platts Mediteran.

Ministrja e Financave Delina Ibrahimaj tha dje pas mbledhjes së qeverisë se dy bordet e transparencës për karburantet dhe ushqimet do të jenë aktive për aq kohë sa ndikohemi nga çmimet ndërkombëtare.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

‘Kopjon Luizin dhe Kiarën’, Sara Gjordeni e revoltuar pas akuzave: Gjëja më bajat, na keni lodh

‘Kopjon Luizin dhe Kiarën’, Sara Gjordeni e revoltuar pas akuzave: Gjëja më bajat, na keni lodh