POP 5

Lajmet më të lexuara të 5 minutave të fundit

Ekonomi

Ulet në 1.7 mld lekë stoku i rimbursimit të TVSH-së, drejt shuarjes borxhi i tatimeve ndaj biznesit

Borxhi i tatimeve ndaj bizneseve për rimbursimin e TVSH-së po shkon drejt likuidimit total. Në tremujorin e dytë administrata tatimore ka rimbursuar gjithsej 7,80 miliardë lekë, ndërsa stoku i pashlyer ende ka zbritur në 1.7 miliardë lekë

Rikuperimi i aktivitetit ekonomik dhe rikthimi i bizneseve thuajse në normalitet ka ndikuar edhe në rimbursimin e TVSH-së për sipërmarrjet. Administrata tatimore njofton se stoku i rimbursimeve është drejt shuarjes.

Në fund të muajit qershor borxhi që tatimet i kishin bizneseve ishte rreth 1,72 miliardë lekë, nga 5.9 miliardë lekë që ishte në tremujorin e parë të këtij viti. Stoku është ulur me 85 % krahasuar edhe me tremujorin e dytë 2020.

Qeveria ka pasur si objektiv shlyerjen e të gjithë detyrimit brenda muajit qershor të këtij viti, por situata me pandeminë bëri që ky synim të shtyhej për në dhjetor 2021. Pra, në fund të këtij viti synohet që të mos ketë më asnjë borxh për rimbursimin e TVSH-së.

Ndërkohë në tremujorin e dytë të këtij viti sipas tatimeve janë rimbursuar gjithsej 7,80 miliardë lekë. Gjatë këtij tremujori, rreth 4,20 miliard lekë e vlerës së rimbursuar shkoi për pagesën e kësteve për tatimpaguesit e mëdhenj në listën e tatimpaguesve me këste.

Në periudhën prill-qershor është arritur që të likuidohet plotësisht detyrimi që tatimet kishin ndaj TAP, që ka pasur pjesën më të madhe të stokut të rimbursimit të TVSH-ë gjatë viteve të fundit.

Po ashtu është arritur që gjatë tremujorit të dytë të rimbursohen në kohë pa krijuar stok edhe kërkesat e ardhura nga bizneset e vogla. Në total numri i kërkesave nga bizneset e vogla të miratuara dhe rimbursuara gjatë kësaj periudhe ka qenë në total 375 me vlerë rreth 3,60 miliard lekë.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57