Ulet numri i infektimeve nga COVID-19 në Greqi/ 671 raste të reja dhe 25 viktima në 24 orët e fundit

Foto ilustruese

GREQIA- Në Greqi në 24 orët e fundit kanë rezultuar pozitiv me koronavirus 671 persona dhe kanë humbur jetën 27.

Në raport me ditën e djeshme numri i infektimeve ka pësuar një rënie, pasi dje ishin 866, ndërkohë që edhe numri i personave që kanë humbur jetën është ulur pasi janë regjistruar 2 viktima më pak.

Numri i pacientëve të cilët janë shëruar nga virusi është 340.

Numri total i infektimeve ka shkuar 146688, ndërkohë që numri i viktimave është 5.354 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Ditën e sotme, në mediat greke ka qarkulluar edhe letra që i ka drejtuar kryeministri i Greqisë Kyriakos Mitsotakis, Këshillit të Evropës për krijimin e një certifikate e cila do të përdoret si mjet prove për vaksinimin me qëllim qarkullimin më të lehtë brenda BE-së.

Vaksinimi në Greqi ka nisur më datë 27 dhjetor, ku janë marrë dozat e para të vaksinës Pfizer.

Pas miratimit nga Agjencia Evropiane e Barnave të vaksinës Moderna, në Greqi ditëve sotme kanë mbërritur 8 mijë dozat e para të saj dhe pritet të vijnë të tjera.

J.GJ./Shqiptarja.com
  • Sondazhi i ditës:

    LSI prezanton programin elektoral të njëjtë me atë të vitit 2009 kur erdhi në pushtet. Ju krijon besim realizimi i tij?

Komento


×

Lajmi i fundit

John

Virusi i rrezikshëm/Shqipëria embargo shpendëve nga 15 vende! Ministrja Ekonomi: Ndalimi në koordinim me BE-në