POP 5

Lajmet më të lexuara të 5 minutave të fundit

Ekonomi

Ulet prodhimi vendas i energjisë, rritet me 7 herë importi! INSTAT: Më tremujorin e parë familjarët rritën konsumin

Në tremujorin e parë prodhimi i energjisë elektrike në vend është ulur me 39.7% si pasojë e mungesës së reshjeve, ndërsa nga ana tjetër për të furnizuar vendin është importuar 7 herë më shumë energji elektrike nga jashtë. Në këtë situatë, të dhënat e INSTAT flasin për uljen më mbi 67% të eksportit të Energjisë.

Si pasojë e thatësirës dhe mungesës së reshjeve të shiut në fillim të vitit, prodhimi i energjisë elektrike është ulur ndjeshëm. Madje për shkak të mungesës së prurjeve Fierza zbriti në pikën kritike të saj. Instituti i Statistikave njofton se në tremujorin e parë të 2022 prodhimi neto i energjisë është ulur me 39,7 % duke arritur vlerën 2.016 gigavat orë nga 3.344 gigavat orë energji të prodhuar në tremujorin e parë të vitit 2021.

Pjesa më e madhe e prodhimit është realizuar nga hidrocentralet publike me 52,8 %, ndjekur nga hidrocentralet private dhe koncesionare me 46,7 % dhe në fund janë parqet Fotovoltaike me 0,5 % prodhim.

Për të mbuluar nevojat për konsum, vendi ka rritur importin gjatë kësaj periudhe me 7.2 herë më shumë se vjet. Konkretisht importi bruto i energjisë elektrike, në tremujorin e parë, arriti vlerën 715 gigavat orë nga 99 gigavat orë që ishte në të njëjtën periudhë të një viti më parë. Ndërsa eksportet gjatë kësaj periudhe janë reduktuar me 67,5 %.

Ndërkohë si pasojë e çmimeve të larta në bursën ndërkombëtare ndikuar edhe nga lufta në Ukrainë, për të blerë energji KESH shpenzoi në tremujorin e parë 128 milionë euro.

Sipas raportit të INSTAT, nga janari në mars është rritur edhe konsumi i energjisë me 5.7%, dhe ndikimin më të madh e kanë dhënë konsumatorët familjarë me rritje 8,1 %, ndërsa bizneset konsumuan 2,9 % më shumë se vjet.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Meta 'në sulm', Kulluri: Ka paranoja! I vetmi që e ka shitur është Berisha, kur ta kuptoj do jetë vonë

Meta 'në sulm', Kulluri: Ka paranoja! I vetmi që e ka shitur është Berisha, kur ta kuptoj do jetë vonë

25 Prill, 17:54