POP 5

Lajmet më të lexuara të 5 minutave të fundit

Sport

Ulja e buxhetit për Atletikën, Luiza Gega mesazh ministres Kushi: Mungon logjika, ndihem e ofenduar

Ministria e Arsimit dhe Sportit ka përcaktuar se 1 miliardë e 494 milionë lekë të vjetër do shpërndahen te 17 federatat e shumësportëshit në Shqipëri për vitin 2023.

Ulja e buxhetit për Atletikën, Luiza Gega mesazh ministres Kushi: Mungon logjika, ndihem e ofenduar

Luiza Gega

Ministria e Arsimit dhe Sportit ka përcaktuar se 1 miliardë e 494 milionë lekë të vjetër do shpërndahen te 17 federatat e shumësportëshit në Shqipëri për vitin 2023. Kjo shumë është shpërndarë sipas formulës së pikëzimit që vitet e fundit është aplikuar nga ministria. Një formulë e cila ka sjellë jo pak debate, pasi edhe vetë federatat janë të paqarta për mënyrën e aplikimit të saj, teksa në lidhje me këtë ka reaguar dhe rekordmenia e atletikës, Luiza Gega.

Kampionia e “mbretëreshës së sporteve”, Gega kërkon një rishikim të kësaj formule, që do duhej të ishte sipas rezultateve të arritura dhe medaljeve në secilën disiplinë, duke i dërguar mesazh ministres Evis Kushi.

“Sinqerisht, kam vërtet përshtypjen që ministrja Evis Kushi s’ka dijeni për këtë logjikën e ndarjes së këtij buxheti. Shpresoj që ta shikojë sa më shpejt. Personalisht si sportiste elitare nuk kam ndonjë interes sado që të jetë buxheti i Federatës por duke qenë se ai ndahet nga performanca që kanë pasur sportistët vitin e kaluar, ndihem e ofenduar që Federatës sime, në vend që t’i ngrihej buxheti, përkundrazi, i është ulur dhe disa Federatave të tjera, ku me gjithë respektin kur ta meritojnë”, shkruan Luiza Gega në kanalet e komunikimit.

Te buxheti i vitit 2023 vihet re se ai është rritur në raport me vitin 2021 (1 miliardë e 380 milionë lekë të vjetër), por që është më i ulët se ai i një viti më parë (rreth 1.8 miliardë të lëvruara me dy këste, ndonëse mungon pasqyrimi zyrtar).

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • irini: 17/02/2023 14:13

    e fundit doli luiza ne nje miting europian ne gjermani qe transmetoi tv tibo para nje jave

    Përgjigju
  • Eri: 16/02/2023 18:00

    Kryeqyteti i sportit e pra, normal vetem ne leter.

    Përgjigju
  • beni: 16/02/2023 14:33

    po normale, ska bereqet per vete ministrja. Do i ket spostuar fondet atje ku i kthehet ndonjegje mbrapsh

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15