TIRANE - Kryeministri Edi Rama ka vlerësuar uljen e kredive të këqija në banka nga 25 në 22.8%, në raporti me tre mujorin e mëparshëm. Përmes një postimi në rrjetet sociale, Kryeministri Rama ka theksuar se raporti i publikuar përmes të treguesve të paaudituar të Shoqatës Shqiptare të Bankave, tregon edhe një herë për shenjat pozitive të rimëkëmbjes ekonomike.

“Lajm i mire ulen kredite e keqija nga 25 ne 22.8 % ne raport me 3mujorin e meparshem vazhdojne shenjat pozitive te rimekembjes ekonomike :-).” shkruan Rama

Sipas raportit në fjalë, “cilësia e portofolit të kredisë pësoi një përmirësim të lehtë gjatë tremujorit të katërt 2014, duke shënuar një nivel prej 22.8% të kredive me probleme ndaj totalit të kredive në fund të muajit dhjetor, krahasuar me nivelin 25% të arritur në fund të tremujorit paraardhës.”
 
Redaksia Online
(e.c/shqiptarja.com)