Ulje e ndjeshme e aksidenteve (në raport me qarkullimin e automjeteve)

Ulje e ndjeshme e aksidenteve (në raport me qarkullimin e automjeteve)

Foto ilustruese

Herë pas here, në media raportohen numrat e aksidenteve rrugore dhe pasojave të tyre njerzore, duke i krahasuar ato me një vit ose dy vite më parë. Por një krahasim i tillë është i cungët. Sepse numrat e aksidenteve duhet të shoqërohen me numrat e ekspozimit ndaj tyre – gjegjësisht, numrat mbi qarkullimin e automjeteve nëpër rrugët e vendit. Sa më shumë automjete të qarkullojnë, aq më shumë rritet probabiliteti i aksidenteve (për ta kuptuar këtë gjë, nuk duhen shumë vite shkollë…).

Në sezonin e verës, ndodhin pothuaj gjysma e aksidenteve rrugore në Shqipëri (meqë rritet shumë qarkullimi i automjeteve gjatë verës). Për këtë arsye, më poshtë është paraqitur një grafik i ecurisë së aksidenteve vetëm për periudhën qershor-korrik-gusht në Shqipëri.

Siç duket qartë nga grafiku, në verën e vitit 2021, aksidentet dhe pasojat njerzore të tyre kanë qenë në nivel të ngjashëm me të verës së 2020-ës (por më të ulta se të verës së 2019-ës). Po a ka qenë niveli i qarkullimit të mjeteve njësoj si këtë verë, edhe në verën e vjetshme?

Shifrat e kilometrave totale që përshkojnë automjetet në qarkullim nuk është i disponueshëm në Shqipëri, por disa tregues të tërthortë mund të na japin një pasqyrë mbi nivelin e qarkullimit të mjeteve brenda territorit të vendit.

Kështu, gjatë kësaj vere, u futën rreth 880 mijë automjete me targa të huja në Shqipëri, ose 33% më shumë se në verën e vjetshme. Kjo mund të ketë qenë rrjedhojë e heqjes së çdo kufizimi pandemik, për futjen në Shqipëri këtë verë. Gjithashtu, sasi e zhdoganuar e karburantit u rrit me 21% gjatë kësaj vere, krahasuar me verën e vjetshme. Gjë që tregon se u rrit qarkullimi i automjeteve në përgjithësi, e jo vetëm i atyre me targa të huaja.

Duke i përmbledhur këta tregues, mund të ekstrapolohet me përafërsi se numri i aksidenteve verore duhej të kishte qenë rreth 20% më i lartë se vjet, meqë u rrit qarkullimi i automjeteve (ndërkohë që mbeti i njëjtë numri i aksidenteve). Pra, mund të thuhet se u regjistrua një ulje e ndjeshme relative e aksidenteve (në raport me qarkullimin e automjeteve).

Për këtë ulje mund të ketë ndikuar aktiviteti i shtuar i policisë rrugore, e cila arrestoi rreth 500 drejtues mjetesh gjatë verës, ndërkoë që pezulloi mijra patenta dhe vuri dhjetra mijëra gjoba për shkelësit e Kodit Rrugor.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë

Përkujtohet 80-vjetori i betejës së Margëlliçit, Balla: Askush mos guxoj të përdhosë historinë dhe të rivrasë të rënët tanë