POP 5

Lajmet më të lexuara të 5 minutave të fundit

Politikë

Ultimatumi i SHBA për t’u ndarë nga Berisha, Basha: Për mua Doktori është shkollë dhe lehtësim, është historia dhe shpirti i PD, ftesa për të ‘vrarë babanë’ qesharake

Disa mesazhe gjatë muajve të fundit të Lulzim Bashës që sinjalizojnë pafuqinë e tij për t’u ndarë nga Sali Berisha në shtator. Kreu i PD e ka zgjidhur dilemën për t’u rreshtuar me Berishën apo me Perëndimin 

Ultimatumi i SHBA për t’u ndarë nga Berisha, Basha: Për mua Doktori është shkollë dhe lehtësim, është historia dhe shpirti i PD, ftesa për të ‘vrarë babanë’ qesharake

Lulzim Basha dhe Sali Berisha

Pas goditjes historike të 19 majit 2021, ku e shpallën familjarisht non grata për korrupsion madhor, pengim të drejtësisë dhe minim të demokracisë në Shqipëri, Shtetet e Bashkuara të Amerikës kanë kërkuar në formë ultimative përjashtimin e Sali Berishës nga Parlamenti, rrjedhimisht ndarjen e tij nga Partia Demokratike dhe fundin e tij politik. Nuk ka dyshime se, mesazhi amerikan i adresohet Lulzim Bashës, të besuarit të Berishës në krye të Partisë Demokratike. Ndërsa Lulzim Basha zgjodhi heshtjen dhe Sali Berisha shpërtheu kundër ambasadores amerikane Yuri Kim ashtu si Ilir Meta para zgjedhjeve, Ambasada Amerikane në Tiranë e përforcoi mesazhin për fundin politik të Berishës, duke kujtuar urdhrin ekzekutiv të Presidentit Joe Biden, për t’i shpallur luftë korrupsionit edhe në Shqipëri.

Që pas mesazhit të SHBA, Lulzim Basha, zyrtarisht nuk i ka dhënë ende fund dilemës historike, nëse do të zgjedhë të rreshtohet me Perëndimin apo me Sali Berishën, pjesë e listës së zezë së Perëndimit. Megjithatë, nëse sjellim në vëmendje disa nga qëndrimet e Lulzim Bashës për Sali Berishën, sidomos gjatë muajve të fundit, duket se Basha e ka zgjidhur dilemën. Disa orë pasi DASH njoftoi përfshirjen e Berishës në listën e zezë, në 19 maj 2021, Lulzim Basha mori në mbrojte Berishën, duke u pozicionuar kundër Uashingtonit. Madje, Basha u kritikua nga rrethi i Berishës për një qëndrim të butë dhe diplomatik.

Basha u shpreh se “U njoha me keqardhje me vendimin e sekretarit të Shtetit për ishpresidentin dhe ish- kryeministrin Sali Berisha....Dr. Berisha është padyshim udhëheqësi shqiptar që ka dhënë kontributin më të çmuar për zhvillimin e vendit dhe forcimin e demokracisë, dhe çoi miqësinë dhe aleancën strategjike të Shqipërisë me SHBA në nivelet më të larta. Gjatë kohës që z. Berisha ishte kryeministër, Shqipëria përmbushi të gjitha reformat e nevojshme për anëtarësimin në NATO, si dhe marrjen e statusit të vendit kandidat për në Bashkimin Evropian, ku lufta ndaj korrupsionit dhe krimit të organizuar ishin kryekushte. Në të gjitha këto arritje partner kyç i Qeverisë Shqiptare ishin Shtetet e Bashkuara të Amerikës”.

Një muaj para zgjedhjeve të 25 prillit 2021, Lulzim Basha botoi në librin me titull  “Misioni im’. Përpos të tjerave, Lulzim Basha rrëfeu raportin e tij me Berishën. Basha shkroi se ka pasur oferta dhe ftesa private për të eliminuar politikisht paraardhësin e tij, Sali Berishën, por ka shtuar se ka refuzuar çdo ofertë, pasi për të, Sali Berisha është një shkollë, këshillues, privilegj dhe historia e PD-së. Basha shkruante se as nuk mund ta mendonte një gjë të tillë, pra për të ‘hequr qafe’ Berishën.

Ndër të tjera, Basha ka shkruar se “Kam pasur ftesa private apo publike, miklime apo thirrje, marrëveshje apo "deklamime" për të “vrarë babain"... Kjo ftesë e përhershme për të ‘vrarë babanë’ më është dukur gjithmonë jo vetëm qesharake, por edhe e pakuptimtë, kur në vetvete përvoja dhe lidershipi i Sali Berishës si lider politik, mund të ishin për mua vetëm përparësi, për të marrë një mendim, për të rrahur ide, për të bërë një diskutim. Ishte, në një mënyrë, një lloj shkolle të cilën ishte privilegj që ta kisha dhe jo barrë që ta vuaja. Sali Berisha respektohet, dëgjohet, është pjesë historisë së Partisë Demokratike dhe të djathtës shqiptare, si lideri historik i saj. Dhe si i tillë, mendimi se kam një përvojë të tillë ku mund të mbështetem, ka qenë lehtësim për mua dhe aspak një barrë... Partia Demokratike është e hapur për të gjithë, aq më shumë për njerëzit që kanë bërë histori brenda saj, si Sali Berisha...”.

Boshti i librit të Bashës në fakt është Sali Berisha. Por, libri nuk është forma e vetme ku Basha ka shprehur pushtetin e hijes së Berishës mbi të. Në 11 dhjetor të vitit 2017, në 27-vjetorin e PD-së, Lulzim Basha u shpreh kështu për Sali Berishën “Nderimi dhe mirënjohja më e madhe do të jetë përherë për liderin e saj historik Sali Berishën, pa të cilin Partia Demokratike nuk do kishte shpirtin dhe forcën që ka pasur përherë”. Pothuajse në të gjitha përvjetorët e themelimit të PD-së dhe në çdo 22 mars, Lulzim Basha e ka përshkruar Sali Berishën si një hyjni, duke demotuar pafuqinë e tij për t’u ndarë nga ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kallomi: 15/08/2021 21:16

    Luli duhet largohet për vete ! Luli bashke me Berishen ! Njeri per humbjen rradhazi dhe tjetri për pension!

    Përgjigju
  • O ZOT NA SHIKO TE LUTEMI...: 14/08/2021 17:17

    O ZOT I MADH, SI KA MUNDESI QE LEJON TE SHIKOJME E TE KEMI GJOJA NE KRYE E NE MAJE, KETO VEMJE E KRIMINELE TE SHPIFUR. SI LEJON?!!.......

    Përgjigju
  • BUBULESH REXHEP BULE LEKA KASAP [ KEPI ]: 14/08/2021 16:52

    O lyl o dyl më dëgjo mu Rexhep Lekën që jam me 5 fakultete e me 10 gjuh të huaja lene partin demokratike e meru me hedhje shure se sje ti për lider o luli bile derr. Hape krahun se ka djem të ri sa të dush o luli sadush. Bohu njëher burr o luli turr e hape krahun që partia demokratike të heci përpara. E Shqipria të boj para o lul fara e keqe komplet teneqe.

    Përgjigju
  • Iris: 14/08/2021 00:02

    Nuk kerkon njeri te te /vrase babain/,thjesht duan t'a nxjerrin ne pension,se boll ndenjti,na u be si Zogu dhe Enveri ne vaktit.

    Përgjigju
  • Sifi: 13/08/2021 17:57

    PD ka nevoje per ludership te ri pa te kaluar kriminale dhe korruptive sic eshte vet Basha qe ka tre dosje ne SPAK.Nuk mund ta luftoje kurre Luli Saliun se jane bashkefajtor dhe Luli eshte kandidat per persin non grata bashke me Meten per USA

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Reshje dëbore në Krujë, pamje spektakolare nga Parku Kombëtar i Qafë-Shtamës

Reshje dëbore në Krujë, pamje spektakolare nga Parku Kombëtar i Qafë-Shtamës

23 Dhjetor, 18:56