TIRANE - Banorët e "Astirit" të ndihmuar edhe ga opozita bllokuan edhe sot në mbrëmje qarkullimin e automjeteve në segmentin nga "Pallati me Shigjeta deri te Dogana", duke protestuar kundër projektit të zgjerimit të Unazës së Madhe. Pjesë e kësaj proteste u bë edhe kryetari i PD-së, Lulzim Basha krahas deputetëve të tjetër demokratë të cilët janë të përditshëm. Protesta ka sjellë bllokimin e qarkullimit të automjeteve në të dyja anët e rrugës duke paralizuar trafikun për rreth dy orë me radhë.
Banorët e "Astirit" zhvilluan sot protestën e radhës kundër prishjes së ndërtimeve në kuadër të ndërtimit të Unazës së Madhe. Banorët pretendojnë se banesat e tyre janë në proces legalizimi dhe si rrjedhojë ata më parë kërkojnë shpronësimet. Por nga ana tjetër ALUIZNI ka përjashtuar nga procesi i legalizimit të gjitha ato objekte që janë ndërtuar pa leje mbi gjurmën e "Unazës së Madhe".
Megjithatë, në protestën e sotme të "Astirit" ra në sy edhe prezenca e disa banorëve nga zonat e tjera të kryeqytetit si nga Paskuqani dhe Kamza, të cilët morën fjalën në tubim dhe u shprehën se kishin protestuar edhe për Teatrin Kombëtar.
Duket se banorët protestues te "Unaza e Re" po pakësohen çdo ditë e më shumë, çka ka bërë që organizatorët demokratë të sjellin simpatizantë të tyret nga zona të tjera të Tiranës, që s’kanë asnjë lidhje apo interes me prishjen e ndërtimeve pa leje në zonën e "Astirit". Këtë e pohojnë edhe vet pjesëmarrësit në këto tubime siç ishte rasti i një të moshuari i cili duke folur me megafon në këtë tubim u shpreh sot se “në fakt jam nga zona e Shallvareve, por kam qenë edhe te protesta e teatrit”. Por nuk kanë munguar edhe të ardhur nga zonat përreth Tiranës, si nga Kamza apo Paskuqani, të cilët gjithashtu protestojnë për “hallin” që ka zënë banorët e Astirit. “Unë nuk jam banorë i zonës, por kam ardhur nga Kamza të mbështesë banorët këtu”, tha një tjetër banor që foli në protestën e sotme. Gjithashtu, edhe vetë protesta organizohet nga PD. Një prej tyre është Astrit Xake, kryetari i PD-së për degën e Njësisë Nr.6, i cili ka qenë ndër personat më aktiv gjatë këtyre protestave jo vetëm në Unazë por edhe para parlamentit.
Kryetari i PD, Lulzim Basha iu ribashkua sot protestës së banorëve të "Astirit". Kreu demokrat tha se rezistenca te "Unaza e Re" deri në sprapsjen e asaj që ai e quajti megavjedhje. Ai akuzoi Ramën se ka kaluar vijën e kuqe dhe u ka hyrë në borxh shqiptarëve, ndërsa paralajmëroi se interesi i shumicës dhe interesi i këtyre banorëve do prevalojë mbi projektin që sipas tij parashikon grabitjen e 48 mln eurove për 2 km rrugë. Apeli i Bashës për banorët ishte që të qëndrojnë të bashkuar dhe t'i rezitojnë tendencës për përçarje. "Unaza ka treguar sesi mund të arrish të sprapsësh të keqen kur qëndron i bashkuar. Jam i frymëzuar nga qëndresa juaj dhe do vazhdojmë të qëndrojmë këtu për të sprapsur të keqen. Këtu po harxhohen 48 mln euro për 2 km, vjedhja më e madhe e regjistruar ndonjëherë në botë. Këtu nuk ka projekt zhvillimi, por projekt vjedhje për sarajet e Surrelit", tha Basha.
Komente
Lajme të tjera
-
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Unaza e Madhe e Tiranës do përfundojë brenda 2024-ës, në lotin e 6- të shpejtësia deri 140 km/orë
14 Tetor, 17:53 -
Vijojnë punimet për ndërtimin e Unazës së Madhe, projekti gati deri në fund të vitit
30 Shtator, 11:37 -
Unaza e Madhe, realizohen mbi 70% e punimeve në urën mbi lumin e Tiranës
20 Shtator, 08:54 -
Tiranë/ Aksidenti i trefishtë tek Unaza e Madhe, krijohet trafik i rënduar prej Kodrës së Diellit deri në Sauk
13 Gusht, 19:58 -
Punimet për ndërtimin e Unazës së Madhe të Tiranë, pamjet me dron! Rama: Krijon akses me çdo portë hyrëse dhe dalëse në kryeqytet
22 Korrik, 10:45 -
Denoncimi i grupit të Bashës: 6 vite për 300 metra rrugë në Unazën e Madhe të Tiranës, Balluku premtoi përfundimin e punimeve në shtator 2023
20 Qershor, 15:39 -
Unaza e Madhe, realizohen 55% e punimeve në urat mbi lumin e Tiranës (FOTO)
20 Qershor, 10:46 -
VIDEO/ Realizohen rreth 70% e punimeve në lotin e 7 të Unazës së Madhe
30 Maj, 11:45 -
Pamjet nga punimet në Unazën e Madhe të Tiranës, Rama: Përfundon në fund të këtij viti
8 Maj, 16:51 -
Zgjerimi i Unazës së Madhe, Veliaj: Gati për ndërtimin e shkollave në Astir! Asnjë familje s’mbetet pa banesë
23 Shkurt, 21:16 -
Unaza e Madhe e Tiranës pritet të përfundojë këtë vit/ Nis betonimi për urën 420 metra të gjatë në lotin 4
10 Janar, 19:45
Protesta e sotme e qytetareve qe kane bdertuar pa leje , ka pergjegjes we i lejuan te ndertojne , ata qe i legalizuan duke ditur qe po ndertonin ne gjurmen e rruges dhe Aluizni i zotit Lame , qe nuk paditi personat pergjegjes . Nuk jane te gjithe pa leje , se ja dhe me " leje " ne te njejten zone , dhe ky eshte paradoksi . Toke xanun vetem ne demokraci ka degjuar Shqiperia
Përgjigju