INUK do të nis së shpejti aksionin për prishjen e ndërtimeve me leje dhe pa leje në zonën e bregdetit të qarkut të Vlorës. Lajmi u bë i ditur dje nga vetë kreu i INUK Zyhdi Dajti i cili theksoi se për ndërtimin e projekteve të reja si shëtitorja “Lungo Mare” në Vlorë, shëtitorija e Himarës, Dhërmiut, Drimadhes, INUK do të nis aksionin për prishjen e godinave i cili do t'i hap rrugë ndërtimit të këtyre projekteve.

Krahas kësaj, INUK do të nis edhe aksionin tjetër, atë për lirimin e hapësirave për të përfunduar ndërtimin e Unazës së Madhe të Tiranës e cila ka disa vite që ka nisur por ende nuk ka përfunduar. Kësisoj me nisjen e aksionit të ri, pritet që ti hapet rrugë për ndërtimin përfundimtar të Unazës së Madhe të kryeqytetit.