POP 5

Lajmet më të lexuara të 5 minutave të fundit

Kronikë

Uniformat e policisë, ministri
Xhafaj anulon tenderin 1 mld lekë

Tenderi i Ministrisë së Brendshme prej më shumë se 1 miliardë lekësh (ose 9.5 milionë euro)  për uniformat e Policisë së Shtetit, është anuluar nga ministri i Brendshëm Fatmir Xhafaj. I zhvilluar kur ministrinë e drejtonte Saimir Tahiri, tenderi nga i cili do të përfitonin 11 mijë punonjës policie, është anuluar nga Ministri me pretendimin se “asnjë nga ofertat nuk përputhen me kriteret e përcaktuara në dokumentet e tenderit”.  VIDEO
Ministri i Brendshëm Fatmir Xhafaj ka firmosur anulimin e një tenderi në dikasterin që ai drejton me vlerë prej 1 miliardë lekë ose 9.5 milionë euro. Bëhet fjalë për tenderin e uniformave të Policisë së Shtetit. Arsyeja përse Xhafaj ka firmosur anulimin e tenderit lidhet me përgjigjen përfundimtare dhënë nga Agjencia e Prokurimit Publik.

Tenderi i zhvilluar sipas Agjencisë së Prokurimit Publik, nga i cili do të përfitonin 11 mijë punonjës policie, është anuluar pasi “asnjë nga ofertat nuk përputhen me kriteret e përcaktuara në dokumentet e tenderit”.

Sipas këtij dokumenti nga Agjencia e Prokurimit Publik, gara zhvillohej në katër lote, përkatësisht:

Loti i parë përfshin prokurimin e më shumë se 955 milionë lekë, të cilat do të përdoreshin për blerjen e uniformave. Kështu uniforma e çdo polici do të kushtojë 86 mije lekë, ose 634 euro për person.

Loti i dytë parashikonte shpenzimin e rreth 115 milion leke për blerje e këpucësh, ose 10.4 mijë lekë për person .

Loti i tretë parashikonte shpenzimin e 44 milionë lekëve për blerjen e gradave dhe stemave që kërkojnë uniformat e policisë.

Dhe loti i fundit sipas dokumentit të publikuar prej Agjencia e Prokurimit Publik, parashikonte blerjen e aksesorëve si kapelat, doreza etj, me një vlerë 178 milionë lekë ose 161 mijë lekë për çdo polik. Nuk dihet ende kur Ministria e Brendshme do ta ri përsërisë kërkesën për këtë tender me këto material të nevojshme për uniformat blu.



uniformat e policise
 (Njoftimi i Agjencisë së Prokurimit Publik)

Redaksia Online
J.Sh Shqiptarja.com

 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Temperatura të ulëta, reshje shiu dhe dëbore, parashkimi i motit për këtë javë

Temperatura të ulëta, reshje shiu dhe dëbore, parashkimi i motit për këtë javë

13 Janar, 07:07