POP 5

Lajmet më të lexuara të 5 minutave të fundit

Media

Unioni i gazetarëve: Policia po
pengon reporterët të pasqyrojnë grevën

Unioni i Gazetarëve Shqiptar reagon sot pas pengimit të reporterëve për të bërë pasqyrimin e grevës së urisë, së ish-të përndjekurve politikë. UGSH njofton se më datë 14 tetor në orën 12.00 do të organizojnë një tubim përpara selisë së kryeministrisë, në shenjë proteste.
TIRANË- Reagon Unioni i Gazetarëve Shqiptar, pas pengimit të reporterëve për të pasqyruar situatën e ish-të përndjekurve politik, si dhe për të raportuar nga mjediset ku po zhvillohet greva e urisë. 

Unioni i gazetarëve denoncon ashpër organet e policisë për masat penguese që kanë ndërmarrë forcat e policisë ndaj reporterëve nga vendi i ngjarjes. 

" Unioni I gazetarëve Shqiptarë shpreh shqetësimin e thellë për masat penguese të organeve të policisë ndaj reporterëve të cilët gjatë këtyre ditëve të grevës së urisë s ëish të përndjekurve politikë, e kanë pasur tejet të vështirë të komunikojnë dhe pasqyrojnë gjendjen e grevistëve dhe mjedisin ku ata po zhvillojnë këtë grevë tronditëse", shkruhet në deklaratën për shtyp. 

Ndaj, në shenjë protestë, Unioni i Gazetarëve njofton se më datë 14 tetor në orën 12.00 do të organizojnë një tubim përpara selisë së kryeministrisë, duke shprehur kështu solidaritetin ndaj reporterëve të cënuar. 

Nga ana tjetër, përmes një deklarate për shtyp, Unioni i Gazetarëve "shpreh keqardhjen për aktet e tentativës për vetëflijim të kryera prej tre nga grevistëve".
Në këto kushte, Unioni Unioni u bën bën apel të gjithë gazetarëve të jenë më të angazhuar të pasqyrojnë këtë ngjarje. "Në këto kushte Unioni i Gazetarëve Shqiptarë apelon për gazetarët për më tepër angazhim profesional dhe përkushtim për pasqyrimin e plotë të kësaj greve e cila është më tronditësja e ndodhur gjatë këtyre viteve në realitetin shqiptar", njofton UGSH. 

(su.fu/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

‘Vendi më i përparuar në negociatat e pranimit’, Marta Kos misionin e parë në Ballkanin Perëndimor e nis me vizitë në Mal të Zi

‘Vendi më i përparuar në negociatat e pranimit’, Marta Kos misionin e parë në Ballkanin Perëndimor e nis me vizitë në Mal të Zi

16 Janar, 13:40