Universitetet kanë afat deri më 15 maj që të sjellin planet e tyre të detajuara për mbylljen me sukses të këtij viti akademik.
Ministrja Shahini, sot në komunikimin online me rektorët e universiteteve publike mbi marrjen e masave për mbylljen e vitit akademik 2019-2020, kërkon nga universitetet që të fillojnë një planifikim urgjent dhe serioz për mbylljen e vitit akademik në kushte të jashtëzakonshme në të cilat po punohet.
“Situata me përhapjen e koronavirusit të ri në Shqipëri po shkon drejt përmirësimit nga dita në ditë, por nuk jemi ende plotësisht jashtë rrezikut”, shprehet ajo teksa nënvizon se çfarëdo hapje e pjesshme e universiteteve duhet gjithsesi të përcillet me protokolle strikte të ruajtjes së shëndetit të studentëve dhe pedagogëve.
Për këtë arsye, Ministrja Shahini thekson se ka kërkuar nga universitetet që të planifikojnë se cilat janë ato lëndë që do të mbyllen plotësisht online, që nuk do të kenë nevojë të kthejnë studentë fare në auditorë apo laboratorë; sa është numri i studentëve që kanë nevojë të kthehen në auditorë e laboratorë për punë të ndryshme para provimeve; dhe sa është numri i saktë i studentëve që do të bëjnë provime gjatë korrikut dhe fillim-gushtit të këtij viti, gjithmonë duke prioritizuar studentët që do të diplomohen.
Në këtë kuadër, Ministrja Shahini në video-mesazhin e saj shprehet se universitetet do të sjellin këto plane deri më datë 15 maj.
“Pastaj ne, në koordinim me MSHMS bëjmë edhe verifikimet e fundit për të parë nëse po plotësohen kushtet dhe kriteret për ruajtjen e shëndetit të studentëve dhe pedagogëve gjatë kësaj kohe kur duhet të punojnë në objektet e universiteteve”, ka thënë ajo.
“Të gjithë kanë filluar nga puna tashmë për të bërë këto plane. Po organizojnë gjithë punën në kuadër të universiteteve të tyre përkundër një keq-interpretimi të qëllimshëm dhe kaotik të opozitës gjatë kësaj fundjave, po duket se universitetet nuk janë të paqarta dhe kanë filluar nga puna në mënyrë që të japin shërbimin më të mirë dhe sa më cilësor, të cilin studenti i tyre e meriton”, mbyll mesazhin e saj Ministrja Shahini.
Lajme të tjera
-
Vendimet e qeverisë/ Mbyllet kolegji universitar 'Pavarësia' në Vlorë
6 Dhjetor 2023, 21:58 -
Mbahet kongresi i dytë studentor në Shqipëri, mes shumë ‘hallesh’, univesitetet po braktisen! Fuga: Duhet politikë e re, studentët akses në vendimmarrje
17 Nëntor 2023, 20:33
-
Rektorët e universiteteve të pakënaqur me buxhetin 2024, kërkojnë bursat e studentëve në fillim të vitit: Ne s’ dimë sa para marrim
14 Nëntor 2023, 20:29 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Mbyllet raundi i fundit i regjistrimeve në universitet, 500 studentë më pak këtë vit! Braktisen shkencat ekzakte, zero regjistrime për greqisht e rusisht
19 Tetor 2023, 16:42
-
94 programe studimi rrezikojnë të mbyllen! Në universitetin e Elbasanit 11 degë pa asnjë student! Te Infermieria ezaurohen 99.1% e kuotave
13 Tetor 2023, 16:12
-
Shkodër/ Kushte më të mira, por më pak studentë në konvikte! Vëzhgimi i Report Tv, dhomat janë bosh
5 Tetor 2023, 16:38
-
Më pak se 10 studentë në 25 degë në Universitetet e Tiranës! ‘Braktisen’ degët prioritare, 1 regjistrim në agrobiologji, 4 në kopshtari! Rrezikohet gjuha greke
3 Tetor 2023, 19:57
-
Vëzhgimi i Report Tv/ Infermieria dega e preferuar e të rinjve! U shpall prioritet qeveritar, mësuesia rrezikon të mbyllet në 6 universitete
2 Tetor 2023, 11:12 -
Viti i ri akademik, Mjekësia bojkoton mësimin! Studentët protestë kundër punësimit me detyrim: Ligjin e çojmë në Kushtetuese, s'bëjmë kompromise
2 Tetor 2023, 07:44 -
Studentja nga Fieri: Gjithçka kisha e paketova në valixhe dhe u nisa për Tiranë! U premtova prindërve, do ta përballoj
1 Tetor 2023, 20:16
-
Në 15 shtator raundi i dytë i regjistrimeve në universitet! 5500 maturantë pritet të aplikojnë
13 Shtator 2023, 18:45
