Prej datës 11 shkurt, urgjenca e sëmundjeve të brendshme në QSUT, vijon të jetë pjesërisht jashtë funksionit për shkak të një zjarri që ra në një dhomë ku ndodheshin serverat në katin minus një të godinës së re.
Rastet e urgjencës dërgohen tek spitali i Traumës dhe Sanatoriumit, ndërsa rastet sensitive trajtohen tek urgjenca. Sipas një grafiku, ne spitalin e Traumës dhe Sanatoriumit dërgohen edhe bluzat e bardha të specializuar për urgjencat e sëmundjeve të brendshme. Ndërkohë për të gjithë ata qytetarë që vijnë personalisht në urgjencë, është një staf i cili i orienton që të shkojnë tek Trauma ose Sanatoriumi.
Ndërkaq, qytetarët e Gjirokastrës, Vlorës , Fierit e Beratit do marrin urgjencën kardiologjike, atë të sëmundjeve të brendshme e atë ortopedike në Spitalin Memorial, ndërsa urgjencat kardiologjike për qarkun Shkodër dhe Lezhë trajtohen në Spitalin Rajonal Shkodër.
Konkretisht, në urgjencën e QSUT sillen urgjencat neurologjike dhe urgjencat gastrointestinale, ndërsa të shtunë dhe të dielë i shtohen urgjencat kirurgjikale. Ndërsa gjatë ditëve të javës, urgjencat kirurgjikale dërgohen tek Trauma.
Kurse urgjencat kardiake dërgohen tek Sanatoriumi.
Urgjenca është e hapur për çdo lloj urgjence, por në kushte stabël të pacientit, sipas problematikës dërgohen në spitalet përkatëse të sipërpërmendura.
Pyetur nga Report Tv se kur do ti kthehet plotësisht normalitetit urgjenca e re që ka vetëm një vit e inaguruar, Ministria e Shëndetësisë të vetmen përgjigje që jep është: Shumë shpejt. Pra, nuk ka një datë të saktë.
Me datë 2 mars Prokuroria e Tiranës regjistroi procedim penal për veprën penale “Shkatërrimi i pronës me zjarr” për zjarrin në Urgjencën e Qendrën Spitalore ‘Nënë Tereza’.
Ky procedim penal, është regjistruar pa persona në hetim, ndërkohë është urdhëruar administrimi i të gjitha provave për të dokumentuar shkakun dhe vlerën e dëmit të shkaktuar, si dhe personat përgjegjës për shkaktimin e dëmit.
Ndërkohë nga akt-ekspertiza e cila u zbardh ditë më parë nga Report Tv e shqiptarja.com mësohet se shkak i zjarrit që ra në katin -1 të Urgjencës së Qendrës Spitalore “Nënë Tereza” u bë një keqfunksionim i baterive. Akt ekspertiza e konsideron zjarrin aksidental.
Lajme të tjera
-
QSUT 4 muaj pa shintigrafi, mungon sërish jodi për funksionimin! Një muaj pas denoncimit të Report Tv MSH s’e siguron! Dhjetëra pacientë te privati
22 Prill, 13:32
-
Zjarri në Urgjencën e QSUT-së, Prokuroria e Tiranës urdhëron riekspertim të shkaqeve, merren në pyetje dhe teknikët
16 Prill, 09:36
-
Zjarri në urgjencën e QSUT, 30 milionë lekë rehabilitimi! Ministrja Koçiu në Komisionin e Shëndetësisë: Brenda majit kthehet funksioni
15 Prill, 11:24 -
‘Ikën dritat 2 orë e vdiqën 4 të intubuar' QSUT i përgjigjet Vokshit: E pavërtetë! Pati luhatje energjie, por jeta e pacientëve s’është cënuar
8 Prill, 13:44 -
'Shëndetësia'/ Opozita kërkon dëgjesë me ministren për zjarrin në QSUT: Ende s’dimë shkakun! PS: Koçiu do flasë të enjten në Kuvend
8 Prill, 11:13 -
Miliona euro dëme, endoskopia e pacertifikuar, pediatria në rrezik shembjeje… Shkeljet që gjeti raporti i KLSH në QSUT në Tiranë
27 Mars, 17:32 -
Shëndetësia 'për spital', eksperti në '5 Pyetjet': Zjarri ka 11 vite që bie në sistemin shëndetësor
25 Mars, 21:27 -
PROFIL/ Kush është Alma Cani, drejtoresha e re e QSUT
25 Mars, 19:47 -
Urgjenca e re në ‘QSUT’ 44 ditë pa shërbim për shkak të zjarrit, Albana Fico largohet nga drejtimi! Alma Cani emërohet drejtoresha e re
25 Mars, 10:15 -
Urgjenca e QSUT 41 ditë pa shërbim! Ministria asnjë trasnparencë për zjarrin! 50 – 60 raste në ditë tek Trauma
22 Mars, 14:44 -
U investuan 17 mln euro, Urgjenca e QSUT-së 41 ditë pa shërbim! Mjeku: Trauma e Sanatoriumi s'i përballon, qytetarët tek privati! Hije dyshimi, s'ka transparencë
22 Mars, 14:43 -
Zjarri në urgjencën e QSUT, Prokuroria e Tiranës sekuestron dosjen e tenderit! Fletëthirrje për kompaninë fituese e zyrtarët e prokurorimit
20 Mars, 10:52
