Presidentja e Republikës së Kosovës, Jahjaga, ka dhënë një mesazh urimi me rastin e Vitit të Ri 2015, duke u shprehur se “Kur të gjithë jemi mbledhur sonte me familjet dhe miqtë për të kremtuar këtë Natë të gjatë festive, dua t’ju uroj nga zemra – Gëzuar – shumë shëndet dhe shumë suksese. Gëzuar me njerëzit Tuaj për një Vit të Ri, që shënon një fillim me mbarësi për gjithë shoqërinë”.
“Kjo është koha kur e përmbyllim një vit që ka lënë aq shumë vështirësi, kur e kemi vënë në sprovë edhe durimin, edhe besimin, edhe shpresën tuaj për shtetin tuaj, për të cilin aq shumë kanë sakrifikuar dhe të cilin Ju e keni dashur më ndryshe. Një shtet me më shumë zhvillim dhe më shumë përparim, një shtet të demokratizuar, shtetin e të gjithë qytetarëve pa dallim. Le ta shohim një vit të ri me më shumë shpresë, me më shumë dashuri për vendin dhe më shumë punë për të sendërtuar ëndrrën e të gjithëve për Kosovën, shtetin e së drejtës dhe shtetin e të barabartëve. Gëzuar për shumë mot!”, mbyll mesazhin Presidentja e Kosovës, Jahajaga.
![](https://www.shqiptarja.com/template/img/sh_logo1.png)