Ministri i Brendshëm Taulant Balla firmosi ditën e djeshme urdhrin që u kërkon punonjësve të policisë që të vetëdeklarohen nëse kanë përdour aplikacionet “sky apo “Encro chat”.
Por punonjësit e policisë që i kanë përdorur platformat e koduara SkyECC dhe Enrcochat si të infiltruar për hetimin e grupeve kriminale, nuk do të penalizohen. Zv.ministri i Brendshëm Julian Hodaj, tha në emisionin “Përballje” në Report Tv, se brenda 15 janarit do të përfundojë dorëzimi i formularëve dhe tregoi se vetëm në një rast do bëhen përjashtime: kur efektivat kanë qenë të infiltruar brenda grupeve kriminale të drogës dhe vrasjeve.
Nëse punonjësit e policisë gënjejnë në formularit dhe nuk deklarojnë se kanë përdorur aplikacionet, përveç përjashtimit nga radhët e uniformave blu, do të përballen me ligjin për falsifikim.
Zëvendës Hodaj tha se do të përjashtohen nga policia ata efektivë të cilët e kanë përdorur aplikacionin “sky” për të kontaktuar me grupe kriminale dhe jo ata që mund ta kenë përdorur në dinamikë pune.
“Mund të ketë punonjës policie që e ka përdorur për dinamika pune. Në këtë rast janë të justifikuar. Por ky është i vetmi rast. Komunikimet janë mjaftueshëm që të konsiderohen shkelje. AMP ka autoritetin për të hetuar vepra penale të punonjësve”- tha Hodaj.
Ndërsa gazetari Ferdinand Dervishi e konsideroi nismën si një harxhim kohe pasi sipas tij, asnjë prej efektivëve që mund ta ketë përdorur nuk do e tregojë diçka të tillë. Dervishi shtoi se sipas informacioneve të tij, rezulton se këto aplikacione janë përdorur nga policë të rangut të mesëm dhe të lartë për trafikun e lëndëve narkotike dhe për krimet ekonomike si ato të ‘call center’-ave.
“Më rezulton që janë përdorur më së shumti nga policë të rangut të mesëm apo të lartë. Janë përdorur aty ku ka më shumë ku ka elementë kriminalë të përfitimit. Aty ku rritet kanabisi pra, në Krujë e Fushë Krujë. Po ashtu janë përdorur edhe aty ku ka krim ekonomik, si në call center. Rezulton që edhe në rrethe janë përdorur këto lloj aplikacionesh”- tha Dervishi.
I të njëjtit mendim ishte edhe eksperti i sigurisë, Fatjon Softa i cili tha se një nismë e tillë duket më shumë si justifikim “për të larë duart” sesa si një angazhim për evidentimin e efektivëve që kanë përdorur aplikacione të tilla.
"Është si një “lajmë duart” në mungesë të informacionit për punonjësit që e kanë përdorur. Komunikohet me kode dhe jo çdo njeri mund ta shkarkojë këtë aplikacion, duhen telefona të posaçëm”- tha Sofa.
Punonjësit e agjencive të sigurisë kanë 30 ditë kohë për të plotësuar formularin e vetëdeklarimit, nga momenti që e marrin në dorë.
Zëvendës ministri i Brendshëm Julian Hoda në një lidhje skype për emisionin “Përballje” në Report Tv, ka folur edhe për rastin e zjarrit të ndezur nga Rithemelimi në Kuvendin e Shqipërisë në seancën e ditës së hënë (4 dhjetor).
Ai tha se përderisa rasti është referuar nga policia e shtetit, prokuroria e ka marrë seriozisht dhe po merren të gjitha hapat për hetimin e ngjarjes.
“Prokuroritë i marrin seriozisht cdo referim që bën policia e shtetit për një vepër penale”- u shpreh Hodaj.
Komente
Lajme të tjera
-
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime
21 Dhjetor, 17:10 -
Studio Live/ Dosja 'Toyota Yaris', Petraj: Hetimet u mbyllën por nuk dihet origjina e parave! Softa: Ka mangësi, por besoj do kemi prova të reja
18 Dhjetor, 19:48 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
EKSKLUZIVE/ Qeveria në lëvizje për të ndihmuar këngëtaren Parashqevi Simaku! Balla kontakte me Konsullatën në Nju Jork për t'i siguruar pasaportë
18 Dhjetor, 14:33
-
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
‘Studio Live’ për operacionin në Dobraç/ Softa: Grupet të lidhura me politikën, Shkodra kryeqendra e krimit! Lekli: Njerëzit kanë frikë, u është prishur qetësia
12 Dhjetor, 19:12 -
Balla pret Presidentin e Institutit Italian për Kujdesin e Punëtorëve, në fokus të drejtat e punëmarrësve shqiptarë në Itali
6 Dhjetor, 14:23 -
'Matrix' i krimit/ Gazetari Sokol Dema: Nuk është aplikacion i panjohur për autoritetet tona! Softa: Për 3 muaj 2.3 mln mesazhe, nuk mungojnë shqipfolësit
5 Dhjetor, 19:13 -
'Matrix'/ Ferdinand Dervishi: SPAK mund t'i japë një goditje përfundimtare krimit! Ka treguar që nuk intimidohet
4 Dhjetor, 20:16
Nga na doli kjo i "infiltruar" me encrochat?!! Infiltrimin e bën prokuroria e cila autorizon edhe mbajtjen e përdorimin e pajisjes. Këta mos të deklarojnë, ose të merren në prokurori se sa kanë qenë se më shumë se 2-3 nuk ka mundësi të jenë. Nuk kemi dëgjuar të zbardhë ndonjë grup kriminal policia ...
Përgjigju