Vaj kanabisi drejt Greqisë, pranga
trafikantit dhe bashkëpunëtorëve

Policia e Kapshticës ditën e djeshme ka arrestuar 46-vjeçarin kastriot Islami, i cili tentoi të trafikonte drejt Greqisë 929 gram vaj hashashi. 

Në lidhje me këtë ras pas hetimeve të policisë janë ndaluar dhe Ruli Sotiri, 38 vjeç dhe Ervin (Erjon) Gjoni, 32 vjeç, të cilët dyshohen si bashkëpunëtor në lidhje me trafikun.

Materialet i kaluan Prokurorisë së Korçës, dhe 3 personat do të përballen me akuzën e trafikut të lëndëve narkotike në bashkëpunim.


(Vaj kanabisi i kapur në Kapshticë)

Kapshticë
Policia Kufitare godet një tjetër rast të trafikimit ndërkombëtar të lëndëve narkotike.

Sekuestrohet 929 gramë vaj hashashi.

Arrestohet në flagrancë transportuesi, ndalohen edhe dy shtetas të tjerë të dyshuar si bashkëpunëtorë në këtë ngjarje.

Shërbimet e Stacionit të Policisë Kufitare në Kapshticë, në dalje të Republikës së Shqipërisë, bënë kapjen dhe arrestimin në flagrancë të shtetasit :

• Kastriot Islami, 46 vjeç, banues në fshatin Qafëzez-Ersekë.

Më datë 27.01.2018, gjatë kontrollit fizik të ushtruar shtetasit të mësipërm i cili udhëtonte si pasagjer në një autobus linje me destinacion Greqinë, poshtë xhupit iu gjet dhe sekuestrua në cilësinë e provës materiale :

1 pako e mbështjellë me letër natriban brenda së cilës ndodhej 1 bidon plastik me peshë 929 gramë me lëndë të dyshuar si vaj hashashi.

Gjithashtu në vijim të hetimeve lidhur me këtë rast, si edhe duke përdorur metoda speciale të hetimit specialistët e Seksionit për Narkotikët në DVP-Korçë, bënë kapjen dhe ndalimin e shtetasve :

• Ruli Sotiri, 38 vjeç, banues në Maliq.

• Ervin (Erjon) Gjoni, 32 vjeç, banues në Yzberisht-Tiranë, të dy si bashkëpunëtorë të dyshuar të kësaj ngjarje.

Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprën penale "Trafikimi i narkotikëve kryer në bashkëpunim" parashikuar nga neni 283/a/2 i Kodit Penal.


(Vaj kanabisi i kapur në Kapshticë)

Er.K/Shqiptarja.com