POP 5

Lajmet më të lexuara të 5 minutave të fundit

Kronikë

'Vajza po na tretet para syve'/ Spiropali flet pas bisedës me gjyshin e 13-vjeçares: Më sulmoni mua, ata lërini të qetë (VIDEO)

Elisa Spiropali flet për situatën që është krijuar këto ditë në media për 13-vjeçaren e abuzuar seksualisht në Kavajë ku nuk mungojnë as akuzat politike të opozitës, e cila sipas saj po shkatërron çdo rrugë të kthimit të së miturës në jetën normale.

Ministrja e Shtetit për Marrëdhëniet me Parlamentin, Elisa Spiropali ka folur sërish sot për rastin e abuzimit seksual të 13-vjeçares në Kavajë nga 12 bashkëmoshatarë të saj. Përmes një video në rrjetet sociale, Spiropali ka rrëfyer se sot ka pritur në zyrën e saj gjyshin e vajzës i cili është shprehur i pikëlluar për situatën e krijuar në media mbi çështjen ku është përfshirë mbesa e tij. Ajo tha se vajza po mbahet larg celularëve dhe televizorit për t'u mbrojtur nga lukunia që i është vërsulur nëpër komisione parlamentare, në banaqe televizive, në faqe dixhitale. Përgjigjja e Spiropalit ishte për akuzat e opozitës, të cilët nuk kanë kursyer nga shënjestra e sulmeve të tyre politike as të miturën. Apeli i saj është që në vend të 13-vjeçares fatkeqe, politika të sulmojë atë. 

Biseda e plotë e Spiropalit:

"Sot, më erdhi në zyrë me kërkesen e tij gjyshi i vajzës së mitur nga Kavaja, e cila fatkeqësisht, është bërë shënjestër e politikës dhe medias që në vend se ta ndihmojnë po e dërrmojnë. Ai tregonte duke u dridhur se çfarë halli i madh i ka rënë mbi kokë familjes; sesi pas gjëmës së parë vajza po përjeton nje gjëmë të dytë. I kanë hequr nga duart telefonat, i kanë mbyllur televizorët, e kanë rrethuar me dhimbjen e me perkujdesjen familjare, për ta mbrojtur nga lukunia që i është vërsulur nëpër komisione parlamentare, në banaqe televizive, në faqe dixhitale. Duke bërë politikë dhe audiencë me një vajzë vetëm 13 vjeç e 2 muaj, po shkaterrojne cdo rruge rikthimi te saj ne jeten normale, tha zedridhur gjyshi i saj.

U mendova gjatë a ta ndaj me ju apo jo tronditjen e tij, po ne fakt po s’e bera une qe e pata ate burre fisnik ne zyre per hallin e tij, kush do ta beje ne emer te tij thirrjen per ta lene te mituren ne privatesine e saj!? A e dini se privatësia e të miturit garantohet me ligj?! Kodit i të Drejtës Penale për të mitur Neni 21 -E drejta e të miturit për jetë private respektohet plotësisht ne cdo fazë të drejtësisë penale për të mitur duke bërë kujdes që të shmanget dëmtimi i tij.

2.Nuk publikohet asnjë informacion që mund të cojë në identifikimin e të miturit në konflikt me ligjin, të miturit viktimë ose dëshmitar i një vepre penale.

3. Ndalohet identifikimi ose publikimi ne cfarëdolloj forme i te dhënave personale të të miturit.

Po mirë monstra që njohim e që kemi taksirat ta durojmë cdo dite prej vitesh, kur shkel cdo kushtetute e kanun, po si i bëhet shumë e shumë të tjerëve, që përsëri e përsëri, shqyejnë publikisht ata qe medemek mbrojnë?!

Një vajzë e mitur si mjet për të gjuajtur policinë, prokurorinë, qeverinë! Nje vajzë e e mitur si shëmbëlltyrë e kriminalizimit moral dhe korruptimit mendor te politikës e të medias! Një vajzë e mitur si plagë që tregon sëmundjen e rëndë te politikës që nuk votohet, te medias qe nuk ngopet, te shoqerise qe nuk ndalet nje asnje moment per te marre fryme dot, nen presionin total te dy te parave.

Gjyshi i vajzes me tregoi se si e vogla po tretet para syve te tyre; sesi nuk kapercen dot pragun e shtepise nga tmerri i zhurmes rreth saj; sesi familja kerkon vetem nje gje sot: Drejtesi dhe Te drejten per t’u lene rehat ne dhimbjen e vet te pangushellueshme!
Tani ju lutem! Ja ku më keni! Ti monstër i pari dhe cilido tjetër pas teje! Më sulmoni mua! Shpifni e hidhni mbi mua jarget e ligesise e rrufete e paaftësisë suaj per te qenë njerëz qoftë edhe me një të mitur, po atë, vajzën e mitur dhe familjen e saj, lërini rehat!"

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tani: 07/02/2019 08:46

    Je në pozicion shumë të keq zonjë, ju jeni shteti dhe ju duhet të veproni! Ndryshe pse premtoni në fushata që do bëhet drejtësi dhe ai Monstra që ju përmendni dhe që duhej të ishte tani në burg ju intereson ta keni si rival në opozitë që ju të fitoni dhe një mandat. Jeni bashkëpunëtorë të Monstrës për sa kohë ju duhet që të mbani pushtetin. Ndaj të parët që nuk pyesni për jetën e asaj minorene jeni ju! Moralin shkoje bëje tjetërkund, ndoshta në tavolinat e kolegëve të tu, që teksa i shani në publik në kafene qeshni e zgërdhiheni me ta. Minorenja e dhunuar është simboli i qytetarit të pambrojtur në Shtetin Tuaj!

    Përgjigju
  • Dajaku: 07/02/2019 08:46

    Me fal po pse nuk i coni per ndjekje penale keta gazetare qe botojne gjera qe i ndalon ligji, perse nuk ndiqet penalisht kush e botoi i pari. Cila eshte detyra jote, po te ishte femija jot. Secili duhet te mendoj po TE ISHTE KJO VAJZE FERMIJA IM. Pranda lerini fjalet po cojini ne PROKURORI, keshtu e keni bere detyren.

    Përgjigju
  • Taulant: 06/02/2019 22:29

    Shko moj ndyresire ke moral e fytyre ti te dalesh e perçosh mesazhe te kesaj natyre. Jeni shume te urryer a e kuptoni per cfare dilni e beni keto show qe te shtoni mllefin e te pamundurve. Ne ato komisioni qe permend ti moj surratshtrember jane shoket dhe shoqet e tua majtas e djathtas nuk jane njerezit e ndershem e punetore te ketij vendi te mallkuar. Mallkuar qofsh edhe ti e pafytyre.

    Përgjigju
    • Babalja: 07/02/2019 05:38

      Po o qypek saliu e denacoi nje dite mbad arrestimit, hajde zbulim hajde.

    • Vlora: 06/02/2019 23:34

      Shume sakte ke folur Taulant! Kjo e rrugeve ka qene vet ,e na del tani te mbroj partin ,bushtra e tiranes,vlores dhe durresit!!! Ti ske surrat fare moj te tallesh me njerezit se do te mbrosh partine. Kerkoj llogari policise se mos te ishte sali berisha(qe sido qe eshte ai) rasti do ishte mbuluar. Qeveri orgjish!!! Me ty krybushter ne keye!

  • Konjak: 06/02/2019 22:01

    GJithkush qe u njof me problemin, shum te rend, eshte i tronditur.Por~te themi~ ,le ti lem ,habite dhe mallekimet e ti beje nje pyetie secili vetvetes?Po une c'bera e c'kam bere per parandalimin e ketyre ngjarieve.Analizat do ti bejne specialistet.

    Përgjigju
  • Fad: 06/02/2019 20:43

    Latif sali vicidoli, te rent e keqa sic i ka ren kesaj te shkretes, or pallosh ne vend qe te falenderosh ate qe mnron kete familje i versulesh si puna e plakut tat sali serb berisha, ju jeni te pa fytyr sepse banoni akoma lart ne pem dhe esht shum e veshtir te zbrisni nga pema.

    Përgjigju
    • Latif: 06/02/2019 21:06

      Ti paske probleme serioze or Fad, zoti paste meshire per ty.

  • Latif: 06/02/2019 20:27

    Ke shume te drejte per mbrojtjen qe ligji i garanton parimisht nje te mituri dhe qe jeni hiena te gjithe sa jeni ne ate salle dhe zgjatimet tuaja jashte salle. Sa per keto, po leri keto populizma, ti qe je gati te baltosesh nga te gjithe duke zene vendin e nje tjetri, patetike. Problemi eshte qe per ty nuk kane cte shpifin apo te baltosin, ty te pane se ca ishe, per ty cdo gje qe thone eshte e vertete. Ca bere ti per popullin, per shoqerine, kur ishe Drejtore e Pergjithshme e Doganave ?????? Ti dhe tani po perqiqesh te perfitosh duke e permendur ate per te cilen po denon te tjeret. Je nje hipokrite patologjike, mund te luash shume mire personazhe si Harpagonin ose Uria Heep-in. Ti je nje nder shume hienat partiake qe kafshon popullin.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46