Vaksinat kineze, Veliaj: Nuk i thuhet të mirës plaç! Nëna ime e bëri, gati ta bëj dhe unë (VIDEO)

Në lidhje me debatin për vaksinat kineze kundër COVID që po përdoren në vendin tonë, kreu i Bashkisë së Tiranës, Erion Veliaj, u shpreh se ajo është e sigurt.

I ftuar në emisionin “Repolitix” në “Report TV”, Veliaj tha se është gati ta bëjë edhe ai vaksinën kineze, për të dhënë shembullin publik, edhe pse e ka kaluar COVID.

Sipas Veliaj, sa kohë vaksina shpëton jetë njerëzish, nuk është problemi te origjina e saj, ndërsa shtoi se këtë vaksinë ka marrë edhe nëna e tij dhe se “është për bukuri”.

“Është si të më thuash mua për një tjetër gjë të dobishme në qytet, për pemët, ne kemi marrë pemë nga Kina, kemi marrë qershi japoneze, kur një gjë është e mirë, të mirës nuk i thuhet plaç dhe kalit të dhuruar nuk i shihen dhëmbët ngado vjen. Nëse vaksina prodhon jetë, le të vijë nga të dojë se unë nuk besoj se në vendet e tjera nuk e duan jetën e njeriut dhe janë gati të vrasin njerëzit e vet. Jetojmë në një botë globale, po kur vjen puna për të blerë armë, apo srevera të sofistikuar, ajo është tjetër gjë, por historitë për të shpëtuar jetë njerëzish është tjerë. Nëna ime bëri vaksinën kineze dhe është për bukuri. Unë jam gati të jap shembull publik dhe të bëj vaksinën kineze sepse është një mjet për të shpëtuar jetë”, tha ai.

Lajmi kryesor:

Veliaj në 'Repolitix': Basha gjumash dhe i paaftë! Ne fitojmë, por Meta s'ka për të dhënë dorëheqjen, se nuk e mban fjalën! Është kthyer në pacient psikik

/r.k./Shqiptarja.com

TAG:
• Tirane
• PS
• erion veliaj
• bashkia tirane
• repolitix
• zgjedhjet parlamentare 2021