Vala e pestë e COVID dhe rritje e infeksioneve të reja, Franca mbyll për 4 javë klubet e natës

Foto ilustruese

Kryeministri francez Jean Castex njoftoi të hënën një sërë masash të reja për COVID-19, ndërsa vendi po përballet me një rritje të infeksioneve.

‘Virusi po qarkullon në të gjithë territorin’ dhe ‘në spitale po rritet numri i të shtruarve’, u tha Castex gazetarëve në një konferencë për shtyp.

Sipas shifrave të publikuara nga agjencia franceze e shëndetit publik, 12,096 pacientë me COVID-19 ishin shtruar në spital të hënën dhe 2,191 prej tyre ishin në kujdes intensiv. Klubet e natës do të mbyllen në të gjithë vendin për katër javë duke filluar nga e premtja.

Megjithatë, "nuk ka ardhur koha për masa të ashpra, shtetrrethime apo bllokime. Do të ishte joproporcionale," tha Castex.

Qeveria apelon që qytetarët të vaksinohen dhe të marrin dozën e tretë të vaksinës, që të parandalojë valën e 5 të pandemisë.

Castex gjithashtu u bëri thirrje kompanive që 2 ose 3 ditë në javë t’i lejojnë punëtorët e tyre të punojnë nga shtëpia, "kur është e mundur".

Protokollet shëndetësore do të forcohen edhe në shkolla dhe maskat do të bëhen të detyrueshme edhe jashtë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Është në listën e të përjashtuarve, Shehu: Mos mbështesni vendimet që janë anti-kushtetuese! Nikolla: S’interpretoj vendimmarrjet politike të grupit të PD