POP 5

Lajmet më të lexuara të 5 minutave të fundit

Sociale

Lajme nga emisionet

Vala e të nxehtit përfshin Europën, ‘shpëton’ Shqipëria! IGJEUM: Nuk jemi në kushtet e Italisë dhe Francës, s’ka panik

Vala e të nxehtit që ka përfshirë Evropën prej më shumë se 1 jave me temperatura rekord, duket se do të “kursejë” Shqipërinë. Sinoptikanët thonë se nuk ka vend për panik pasi në Shqipëri i nxehti ende nuk ka arritur vlerat e vitit të shkuar, dhe flasim ende për temperatura normale për korrikun.

Vala e të nxehtit e quajtur “Cerbes” tashmë ka mbërritur në disa pjesë të Evropës Jugore, ku temperaturat rekord mbi 48 gradë celcius pritet të arrihen javën e ardhshme, megjithatë sipas IGJEUM Shqipëria nuk do të preket.

“Ne nuk jemi në kushtet e Italisë dhe Francës, nuk duhet bërë panik.

Stina do të jetë siç ka qenë çdo vit. Temperatura më e lartë këtë javë Tirana ditën e enjte me 39.8 gradë Celcius”, tha Gjoni.

Anira Gjoni, specialiste e IGJEUM në një intervistë për Report Tv sqaron se kjo verë është në temperatura krejtësisht normale

“Vjet ka qenë shumë më nxehtë se sa ky vit. Akoma nuk kemi arritur vlerat e vitit të shkuar”, sqaron ajo.

Ndryshe nga Shqipëria vendet e Evropës duket se nuk do të jenë me të njëjtin fat. Në pjesë të Spanjës, Francës, Greqisë, Kroacisë dhe Turqisë, temperaturat pritet të kalojnë 40 gradë Celcius

Qytetarët duhet të shmangin daljen jashtë në oraret e pikut të të nxehtit, për të shmangur situata të tilla si sisa turistë në Itali që raportohet kanë humbur ndjenjat në rrugë goditja e nxehtësisë. Për këtë arsye, njerëzit janë këshilluar të pinë të paktën 2 litra ujë në ditë dhe të shmangin kafen dhe alkoolin, të cilat janë dehidratuese.

Ditët e valës vdekjeprurëse ka të ngjarë të vazhdojnë për të paktën një javë sipas BBC Ëeather.  Vala e të nxehtit “Cerberus” filloi në Sahara përpara se të lëvizte nëpër Afrikën veriore dhe në Mesdhe.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi