POP 5

Lajmet më të lexuara të 5 minutave të fundit

Sport

Vallecano e Balliut 'kockë e fortë' për At.Madrid, Sevillia merr 1 pikë dramatike kundër Valencia-s së Gatusso-s

Raja Vallecano e Ivan Balliut ka rezultuar një ‘kockë e fortë’ për Atletico Madrid, pasi skuadra e Simeone-s nuk shkoi më shumë se barazimi 1-1. Sakaq Sevilja mori një pikë dramatike kundër Valencia-s, pasi skuadra e Gatusso-s humbi penallti në minutën e 101.

Vallecano e Balliut 'kockë e fortë' për At.Madrid, Sevillia merr 1 pikë dramatike kundër Valencia-s së Gatusso-s

Falcao duke festuar golin kundër Atletico-s

Sezoni i Atletico Madrid vijon të jetë me shumë ulje-ngritje. Skuadra e drejtuar nga Diego Simeone, në ndeshjen e fundit për javën e 10 të La Liga-s, ka barazuar 1-1 kundër Rayo Vallecano-s së Ivan Balliut, mbrojtësit të kombëtares shqiptare.

‘El colchoneros’ në ‘Wanda Metropolitano’ morën avantazhin në minutën e 20, falë Alvaro Morata-s, i cili shfrytëzoi në maksimum një asist të Griezman. Mirëpo ky avantazh përgjumi vendasit, të cilët u ndëshkuan në ekstremin e lojës nga penalltia e Falcao-s dhe nuk patën më mundësi të reagonin. Barazimi e la Atletico Madrid në vendin e tretë 20 pikë, 5 më pak se Reali kryesues që ka një ndeshje më shumë për të zhvilluar.

Ndërkohë më herët Sevillia mori një barazim dramtik kundër Valencia-s me rezultatin 1-1. Miqtë e drejtuar nga Gatusso kaluan të parët në avantazh me Edinson Cavani-n, i cili realizoi në minutën e 6. Valenacia e mbrojti rezultatin deri në momentin kur gjyqtari po mendonte shtesën e pjesës së dytë, por Lamela riktheu ekulibrat për vendasit. Më tej do kishte kohë edhe për një episod që bëri me zemër të pranishmit. Në minutën e 101 Valencia fitoi një penallti, por që Gaya nuk arriti ta realizonte për shkak të portierit vendas.

Sakaq në Premier League Brighton barazoi pa gola kundër Notingam, ndërsa Crystal Palace fitoi 2-1 ndaj Wolves. Kjo humbje rikthen edhe njëherë në krizë skuadrën e ‘ujqërve’ të Anglisë.   

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55