/ATSH/. - Menaxheri Louis Van Gaal ka paralajmëruar se Manchester United do të vazhdoje të shpenzoj per transferimin e futbollistëve, të cilët janë të nevojshëm për skuadrën.
Van Gaal ka shpenzuar mbi 180 milione euro për transfertat që nga koha  kur ka marrë drejtimin e Manchester Unitedit. Strategu holandez arriti të transferoje në Old Trafford disa lojtarë të mëdhenjtë s,i Angel Di Maria, Radamel Falcao dhe Marcos Rojo.

Ish- trajneri i Holandës, Barcelonës dhe Bayern Munichut, ka theksuar se klubi do të vazhdoje të shpenzoje për çdo gjë që ai e konsideron të nevojshme për të vazhduar me reformimin e skuadrës.

"Kur ne mund të blejmë një lojtar, i cili mund të përmirësoje zgjedhjen time, atëherë ne do ta blejmë, paraja nuk është problem, ajo që duhet të kemi është cilësia e lojtarëve" deklaroi Van Gaal