TIRANË- Prej më shumë se 3 seancash plenare, po kërkohet me ngulm nga opozita zhvillimi i një interpelance me kryeministrin Edi Rama për lidhjen e tij me McGonigal, megjithatë, për analistin Lorenc Vangjeli, askush nuk do që kjo përballje të ndodhë. Në ‘Kontrast’ në Report Tv, Vangjeli tha se këtë përballje nuk e do as opozita e Enkelejd Alibeajt, as ajo e Sali Berishës, madje as vetë kryeministri Edi Rama. E për këtë ai solli argumente.
“Asnjë palë nuk e do interpelancën. Sepse iu duhet konflikti dhe jo ezaurimi i shkakut, duhet diçka për të krijuar ato skena dhe jo për t’iu afruar thelbit. Parlamentin e duan të delegjitimuar Meta dhe Berisha. Berisha sepse nuk menaxhon dot grupit e tij parlamentar. E do dhe Rama të delegjitimuar. Rama ka filluar ta tregojë nevojë për një distancë me parlamentin dhe thotë “po unë ç’dua këtu”. Parlamenti qoftë në kohën e Berishës dhe sot është shtojcë e kryeministrit. Në këtë pikë palët bien bashkë. Opozita nuk do të thotë asgjë më shumë nga sa janë thënë deri më sot, do dëgjohet e njëjta retorike dhe nuk ka perëndi që do të dallojë çfarë thotë njëri dhe çfarë thotë tjetri. Rama është në vështirësi, doli në TV dhe në një interpelancë nuk do të thoshte asnjë fjalë. Kjo ndeshje ishte thjesht një përplasje për procedurë, herë pas here ngrenë dorën kërkon 3 minuta për procedurë dhe lëshojnë tufë marrëzish”, tha Vangjeli.
Mirëpo, përballë këtyre argumenteve, deputeti i Partisë Socialiste, Arben Pëllumbi shprehet se nuk është aspak dakord. Pëllumbi thotë se nuk iu intereson konflikti dhe ajo se çfarë po ndodh në Kuvend, ai thotë se nuk është gjë tjetër veç se një garë për të treguar se cila palë e PD-së është më e ashpër me mazhorancën.
“Nuk jam dakord, nuk na intereson asnjë lloj konflikti, përveç hallet e tjera, t’i shtosh dhe një tjetër, nuk jam dakord, për më tepër që në 14 maj kemi zgjedhje dhe ne jemi shumë mirë të organizuar, kemi betejë elektorale, mund të tregojmë forcat aty. Ka nevojë elektorati që të na dëgjojë, kemi drejtuar për vetëm pushtetin lokal dhe tani ka ardhur momenti për të dhënë llogari. Janë inskenime, nuk drejtohet seanca, po nuk more masa, po nëse ne themi pse nuk flasim? Ca do bëjmë të kalojmë në përplasje fizike? Jo jemi tolerant, ajo rregullore nuk është bërë për mazhorancën dhe opozita të bëjë ç’të dojë. Është lufta e brenda se kush do marrë vulën e PD, pse u shty protesta me 3 mars. Ka garë se kush është më i ashpër, nuk ka lidhje me mazhorancën”, tha Pëllumbi.
Nga ana tjetër, ai shtoi se ka bindje që edhe në 2 mars interpelanca nuk do të zhvillohet, se është thjesht një justifikim që po përdor Berisha për protesta.
“Nuk do të zhvillohet normalisht, se duan që të kenë mundësi që të zhvillojnë protestën në 3 mars, është strategji e Berishës që për fat të keq detyrohet t’i shkohet nga pas edhe krahu tjetër që të mos mbetet pa aksion”, shtoi ai.
Këtë “luftë” analisti Lorenc Vangjeli e sheh ndryshe. Ai thotë se konflikti po përdoret si një alibi për Berishën, për humbjen që do të pësojë në 14 maj. Madje ai thotë se kjo datë, do të jetë e rëndësishme për Berishën si individ, por edhe si politikan.
“Konflikti i intereson Berishës edhe nëse do ishte vetëm në një dhomë vetëm, do zihej me veten. Alibi për humbjen në 14 maj. Jorgani më i përkryer për të mbuluar defektet e qeverisjes, konflikti i intereson dhe Ramës. Rama ka nevojë për kohë. (...) Berisha nuk do jetë më kryeministër i këtij vendi. Loja bëhet për 2025. Në 14 maj, Berisha do të mund Saliun, politikani kundër individit egoist, në politikë dhe gjithçka tjetër”, shtoi Vangjeli.
Në fund, Pëllumbi i pati edhe një koment për zgjedhjet në 14 maj, ku tha se socialistët po bëhen gati për t’i fituar të gjitha bashkitë.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
