Vlore - E Ngarkuara me Punë e SHBA-vë në vendin tonë, Nancy VanHorn është takuar në Vlorë me Drejtorin Rajonal të Agjencisë së Mbikqyrjes Policore, Glodian Ahmetaj dhe studentë të Fakultetit të Drejtësisë në universitetin “Ismail Qemali”.
VanHorn deklaroi se Reforma në Drejtësi është një tjetër angazhim i rëndësishëm për Shqipërinë, në të cilin kanë ndikim të gjithë aktorët, nga ata politikë, social dhe shoqëror.
“Reforma në drejtësi është punë e të gjithëve, nuk është vetëm SPAK. Kështu që unë do t’ju inkurajoj se si mund të përshtateni dhe çfarë mund të bëni në këtë aspekt. Shtetet e Bashkuara të Amerikës janë me ju në këtë rrugëtim”, tha ajo.
Edhe në këtë takim, VanHorn theksoi rëndësinë e angazhimit të komunitetit për të ndërtuar besimin publik, për të përforcuar përpjekjet vendore për zbatimin e ligjit dhe luftën kundër korrupsionit.
“Për mua, është me të vërtetë një shenjë shprese për të ardhmen e Shqipërisë që ka kaq shumë të rinj, studentë të drejtësisë, me kolegë nga forcat e rendit, ku mund të flasim për rolin e zbatimit të ligjit në komunitetin tuaj. Në udhëtimin për në Vlorë këtë mëngjes, po flisja me një nga kolegët e mi nga ambasada dhe tema e diskutimit tonë, ishte: Si mund ta ndihmojmë Shqipërinë të ndërtojë një kulturë të vërtetë integriteti dhe një kulturë ku sundon ligji? Jo vetëm në universitete, jo vetëm në zyrat e policisë, por të jetë pjesë e asaj që bëjmë çdo ditë. Sepse janë vendimet e përditshme që merrni ato që e ndërtojnë këtë kulturë”, u shpreh VanHorn.
Gjatë fjalës së saj e vuri theksin edhe te puna e Agjencisë së Mbikëqyrjes Policore, që ka kompetencën për të inspektuar dhe hetuar standardet e korrupsionit, sjelljet e pahijshme nga policia, zjarrfikësit etj. “Dhe puna e tyre është e rëndësishme për përparimin e Shqipërisë drejt anëtarësimit në BE dhe për ta sjellë atë në përputhje me standardet evropiane” tha ajo.
Lajme të tjera
-
Edhe “Matrix” flet shqip! Nuredin Dumani: E ka përdorur Suel Çela
4 Dhjetor, 15:41
-
Rrjedh bombola e gazit, shkrumbohet dyqani në Vlorë
4 Dhjetor, 13:29 -
U mor i pandehur, Dogjani sulmon SPAK: Pse nuk heton vilat e Ramës dhe qeverisë? Ndjekje politike e dirigjuar nga PS
4 Dhjetor, 13:05 -
Inceneratori i Fierit, përfundon shqyrtimi në Apelin e Posaçëm, vendimi shpallet më 19 Dhjetor! SPAK kërkon shpalljen fajtor të Bllakos dhe për shpërdorim detyre
4 Dhjetor, 12:06
-
Do ekzekutonte të ‘fortin’ e Vlorës dhe shokun e tij për hakmarrje, SPAK çon për gjykim Amarildo Nikollin! Si i dështoi atentati, u kap me pistoletë gati për qitje
4 Dhjetor, 09:37
-
Media amerikane ‘Travel off Path’: Vlora, qyteti bregdetar i mbushur me brigje mahnitëse dhe vendpushime të qeta
4 Dhjetor, 08:29 -
A është Shqipëria një vend i ngrohtë për bashkëqytetarët me aftësi ndryshe?
3 Dhjetor, 20:49
-
Aplikacionet kriminale/ Banushi: Grupet kanë menduar se komunikimet nuk do zbërtheheshin! Doçi: Me 'Matrix', SPAK do bëjë tërmet tjetër në botën e krimit
3 Dhjetor, 17:44 -
Eduard Zaloshnja: Shumica dërrmuese e shqiptarëve duan një mandat të dytë të prokurorëve të SPAK-ut
3 Dhjetor, 15:16
-
Kryebashkiaku i Devollit 2 orë në SPAK, i komunikohet përfundimi i hetimeve, Duro: Do qëndroj në detyrë! Akuzohet se licencoi karburantin ndërtim pa leje
3 Dhjetor, 12:40 -
Mero Baze: Pasioni i Berishës për një 'SPAK paralel' që heton SPAK-un
3 Dhjetor, 10:51
-
Çohet për gjykim deputeti i PD, Asllan Dogjani! SPAK: Bleu apartament 122 mijë € cash! Kontratë fiktive për të justifikuar pasurinë
3 Dhjetor, 09:46
