Vodhi 12 mln lekë në vendin e punës se i dashuri donte të investonte në ‘Bitcoin’, lihet në burg 34-vjeçarja 'bankiere': Për të kam marrë edhe kredi

Një javë 'punë' iu desh Blerina Shtëpanit, 34-vjeçe, për të vjedhur plot 1.2 milionë lekë në një këmbim valuator në Tiranë, ku ishte punësuar. Prokuroria ka lënë në burg Shtepanin ndërkohë që nga hetimet ka rezultuar se ajo ka nisur punë në zyrën e këmbimit valutor më 27 korrik, ndërsa vjedhja u konstatua vetëm 6 ditë më vonë, me 2 gusht 2022.

Shtepani është prezantuar tek pronarët e 'exhcange' si ish punonjëse banke. Kur është konstatuar vjedhja ajo e ka mohuar. Më pas ka thënë se nëse mungon ndonjë lekë gjatë turnit të saj do ta zëvendësonte.  Kur pronarët i kanë thënë shifrën që mungonte ajo është përplasur me ta, duke i thënë se po e akuzonin padrejtësisht.

Vetëm hapja e kamerave ka vërtetuar se Shtepani ka dalë me tufa lekësh nga zyra e exhcange për tu kthyer pas disa minuatash, duke vendosur në arkë  monedha. Më 9 gusht 2022 kur s’ka kthyer shumën e vjedhur ajo është vetëdorëzuar ne polici duke pranuar vjedhje e shpjeguar se lekët ia ka dhënë një shtetasi me emrin Ylli.

“Yllin e kisha te dashur. Për të kam marrë edhe kredi pasi ai me kërkonte para të investonte ne Bitcoin.”

Ndërkohë nga bilanci pronarëve u del 1.2 mil mangët. Shtepani pranon se ka vjedhur 700 mijë lekë.

“Isha aq e varur nga Ylli sa fiktivisht u martova me kushëririn e tij që ai te merrte mbiemrin tim e të shmangte problemet me drejtësinë.”

Dëshmia e Blerina Shtepanit

SI.E./KT/Shqiptarja.com

TAG:
• blerina shtepani
• vjedhje
• Tirane