Varhelyi vjen nesër në Shqipëri, vizitë të veçantë në Bypassin e Vlorës! U ndërtia me bashkëfinancim të Bashkimit Evropian

Komisioneri i Bashkimit Evropian për Zgjerim dhe Fqinjësi të Mirë, Oliver Varhelyi viziton nesër Tiranën. Burime për Report Tv bëjnë me dije se Varheley do të zhvillojë një vizitë në Bypassin e Vlorës. Gjatë vizitës, pritet të ketë  një deklaratë të përbashkët me kryeministrin Edi Rama.

Më 8 qershor Varhelyi ishte në Ohër për samitin e Open Balkan, duke thënë se e mbështet dhe mund të sjellë zhvillim ekonomik, sidomos në situatën ku ndodhemi prej luftës në Ukrainë.

Në fund të fjalës së tij në Ballkanin e Hapur, Varhelyi dha mesazhin e qartë që të shfrytëzohen strukturat e shteteve sepse është iniciativë pozitive. Më herët diplomati ka deklaruar se Shqipëria ka përmbushur kushtet që të hapen zyrtarisht negociatat e anëtarësimit.

BY-PASS I Vlorës,  një vepër rreth 29 km e gjatë, është financim i BERZH-it i Bankës Eurapiane të Investimeve dhe i Bashkimit Europian.  Punimet në këtë vepër do të vazhdojnë me disa detaje të mbetura pa përfunduar, por të cilat nuk shkaktojnë probleme apo bllokim të trafikut. By-pass i Vlorës lidh autostradën Levan-Vlorë me rrugën nacionale bregdetare Vlorë-Sarandë. Gjatësia e këtij aksi është 29 km dhe fillon që nga rrethrrotullimi në fund të autostradës Levan-Vlorë. By-pass redukton mbipopullimin e trafikut në qytetin e Vlorës, si dhe në rrjetin rrugor të bregdetit jugor të Shqipërisë.

M.Q./K.T./Shqiptarja.com

TAG:
• KE
• Olivér Várhelyi
• edi rama
• Vlore