Rritja e rasteve të koronavirusit në të gjithë botën po kërcënon sistemet e kujdesit shëndetësor në shumë vende. Në Shtetet e Bashkuara, infeksionet me COVID-19 janë rritur së fundmi për shkak të variantit Omicron, i cili tani përbën gati tre të katërtat e rasteve në vend, madje në disa zona deri në 90%.
Numri mesatar i rasteve të reja të koronavirusit u rrit 45% në 179,000 në ditë gjatë javës së kaluar. Omicron ka shkaktuar gjithashtu anulimin e mijëra fluturimeve që përpara Krishtlindjes.
Linjat ajrore në Shtetet e Bashkuara kanë anuluar në katër ditët e fundit që para Krishtlindjes mijëra fluturime për shkak të infektimit me COVID-19 të pilotëve dhe personelit, ndërsa vazhdon të përhapet varianti Omikron.
Por në disa aeroporte, si ai në Newark të Nju Xhersit, gjendja duket normale.
"Kam ardhur këtu për një funeral dhe kjo është arsyeja që vendosa të udhëtoj. E di që po marr parasysh rrezikun, por ndonjëherë ka gjëra që janë më të rëndësishme në jetë, kështu që vendosa të udhëtoj. Por jam i vetëdijshëm për rrezikun që po marr duke udhëtuar gjatë kësaj periudhe të vitit", thotë Sheldon Williams nga Otava e Kanadasë.
Ekspertët e shëndetësisë paralajmërojnë se cilido që shkon në aeroport ka të ngjarë të preket nga Omicroni. Por lajmet e fundit nga Afrika e Jugut dhe Britania janë premtuese pasi tregojnë se infeksionet me Omicron ka më pak gjasa të çojë në shtrime në spital, ose raste të rënda. Të dielën këshilltari kryesor i Shëndetësisë i Presidentit Biden, Dr. Anthony Fauci, tha për emisionin This Week" të ABC-së se kjo nuk do të thotë se nuk ka rrezik.
"Kur kemi një numër kaq të madh infeksionesh të reja, kjo mund t’ia ulë rëndësinë faktit se ato janë të lehta. Kështu që nëse ka shumë, shumë, më tepër njerëz me raste të lehta, kjo mund të neutralizojë disi efektin pozitiv", tha ai.
Dr. Fauci vlerësoi planin e presidentit për të pasur personel ushtarak në role mbështetëse në spitalet amerikane për të ndihmuar në trajtimin e rasteve në rritje, së bashku me rritjen e aftësive testuese dhe shtimin e rezervave të pajisjeve mbrojtëse personale. Megjithatë, ai thotë se vaksinimi mbetet mënyra e vetme më e mirë për të parandaluar sëmundjet.
"Jemi veçanërisht të shqetësuar për ata që janë të pavaksinuar. Dhjetëra e dhjetëra miliona amerikanë që kanë të drejtë të vaksinohen dhe nuk e kanë bërë këtë. Ata janë më të rrezikuarit kur ke një virus që është jashtëzakonisht efektiv për t’u përhapur siç është Omicron".
Megjithë rrezikun e prekjes nga Omicroni dhe shumë fluturime të anuluara, Aeroporti Kombëtar i Uashingtonit “Ronald Reagan” ishte i mbushur me udhëtarë gjatë këtyre ditëve të Krishtlindjeve.
"Ishte fantastike, përveç pritjes më gjatë se zakonisht për bagazhet. Por përveç kësaj, udhëtimi ishte i mrekullueshëm, në kohë. Kështu çdo gjë në rregull”, thotë Cheryl Orr nga Dallasi.
"Ishte stresuese, por ia dolëm. Jemi këtu", thotë Garry Jedkins nga Hjustoni.
"Ne kishim fluturimin e parë sot në mëngjes, kështu që menduam se do të ishim në rregull dhe ashtu ishte”, thotë Konnie Espanet.
Omicron tani përbën gati tre të katërtat e të gjitha rasteve në SHBA. Sipas njoftimeve të fundit, numri mesatar i infeksioneve të reja është rreth 179,000 në ditë./VOA/
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
