Varrezat e makinave të dala jashtë përdorimit nuk do mund të operojnë më pa lejen përkatëse nga Qendra Kombëtare e Regjistrimit, si dhe pa një staf të kualifikuar në trajtimin, riparimin, apo shkatërrimin e këtyre mjeteve.

Përmes një Vendimi të publikuar në Fletoren Zyrtare, Këshilli i Ministrave ka përcaktuar lejet dhe licencat që duhet të marrin subjektet që operojnë në këtë sektor.

Këto subjekte tashmë detyrohen të kenë një drejtor teknik të certifikuar, mjediset dhe pajisjet e duhura teknologjike për trajtimin e mjeteve, si dhe staf të kualifikuar teknik.

Gjithashtu, këta operatorë duhet të depozitojnë edhe një sasi kapitali për të garantuar besueshmërinë e tyre financaiare.

Redaksia Online
(F.T/shqiptarja.com)