Vatikani ka thënë të martën se “kushti i parë” për arritjen e paqes në Ukrainë është që Rusia “t’i japë fund agresionit të saj”, pas kritikave nga Kievi dhe aleatët e tij ndaj deklaratave të Papa Françeskut.
Papa Françesku tha në një intervistë më 9 mars se Ukraina duhet ta ketë “guximin” për t’u ulur dhe për të biseduar me Rusinë për paqe, duke shtuar se nuk është turp ta valosh “flamurin e bardhë”.
Kardinali Pietro Parolin, sekretar i Shtetit i Vatikanit dhe bashkëpunëtori më i afërt i papës, i bëri këto komente në një intervistë për gazetën italiane Corriere della Sera të martën.
“Selia e Shenjtë e ndjek këtë qëndrim dhe vazhdon të kërkojë armëpushim – dhe agresorët janë ata të cilët duhet ta ndalin luftën”, tha Parolin.
Presidenti i Ukrainës, Volodymyr Zelensky, e kritikoi Françeskun – pa ia përmendur emrin – duke thënë se “kisha duhet të jetë me popullin. Dhe, jo 2.500 kilometra larg, diku, të ndërmjetësojë virtualisht mes dikujt që dëshiron të jetojë dhe dikujt që dëshiron të të shkatërrojë”.
Ministri i Jashtëm i Ukrainës, Dmytro Kuleba, reagoi më drejtpërdrejt në rrjetet sociale, duke thënë se “Flamuri ynë është verdhekaltër. Me këtë flamur ne jetojmë, vdesim dhe triumfojnë. Ne nuk do të ngremë kurrë të tjerë flamuj”.
Zelensky ka ngulur këmbë se nuk do të flasë drejtpërdrejt me Rusinë, nëse kushtet e “formulës” së tij për paqe nuk plotësohen.
Kërkesat e Ukrainës për paqe janë që Rusia t’i tërheqë të gjitha trupat e veta nga Ukraina, t’i kthejë kufijtë e vet nga epoka pas rënies së Bashkimit Sovjetik më 1991, dhe Rusia të mbahet përgjegjëse për veprimet e saj.
Deklaratat e Françeskut u kritikuan edhe nga aleatët e Ukrainës, si Polonia dhe Lituania.
Ndërsa, shefi i NATO-s, Jens Stoltenberg, tha se Ukraina ka nevojë për armë, jo për flamuj të bardhë./ REL
Komente
Lajme të tjera
-
Mosmarrëveshja me Sllovakinë, Zelensky: Po hapin front të dytë energjitik kundër Ukrainës! Fico: Nëse Kievi ndalon gazin, s’e furnizojmë me energji
28 Dhjetor, 19:44 -
Festat e fundvitit, turistët e huaj zgjedhin Vlorën për të kaluar pushimet: Është një vend i bukur
28 Dhjetor, 10:21 -
Sllovakia ofrohet të presë negociatorët e paqes Rusi-Ukrainë, Putin: Jemi dakord
27 Dhjetor, 16:43
-
Putin: Biden propozoi shtyrjen e pranimit të Ukrainës në NATO në 2021
27 Dhjetor, 09:03 -
Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani
26 Dhjetor, 15:09 -
Jubileu 2025, Papa Françesku hap derën e shenjtë në burg
26 Dhjetor, 14:42 -
Zyrtare/ Arinaldo Rrapaj prezantohet në Ukrainë, Partizani arkëton 900 mijë euro nga shitjet
26 Dhjetor, 13:23 -
Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat
26 Dhjetor, 08:46 -
Mesazhi i Krishtlindjes, Ati i Shenjtë: Ndalni armët në Gaza e Ukrainë, hapni portat e dialogut! Bekimi Urbi et Orbi
25 Dhjetor, 13:20 -
Lufta/ Rusia sulm masiv me raketa në Kharkiv ditën e Krishtlindjes! Zelensky: 2025 të bëhet viti i paqes për Ukrainën
25 Dhjetor, 08:15 -
Papët dhe jubilejtë: hapja e Derës Shenjte në histori
25 Dhjetor, 07:31 -
Fillon viti Jubile! Papa Françesku hap Portën e Shenjtë të Bazilikës së Shën Pjetrit! Predikimi për Krishtlindje: Bota vuan, të ngremë zërin kundër së keqes
24 Dhjetor, 20:50
