Vazhdojnë Lojërat Olimpike në Baku
Shqipëria mbyll ditën e 5 pa medalje 

Në ditën e pestë të Lojërave Evropiane Olimpike në Baku të Azerbajxhanit qitësi shqiptar Arben Kuçana nuk arriti të kualifikohej në garën 10 metra pistolete ajër. Kuçana u rendit i 29 mes 33 garuesve duke grumbulluar 569 pikë.

Mundësi shqiptar Islam Islamaj ishte shumë pranë medaljes së bronztë, e cila do të ishte e para për Shqipërinë, por në fund nuk ia arriti duke dështuar. Dita e pestë e Lojërave Olimpike në Baku ishte e veçantë për Shqipërinë dhe Kosovën, pasi u ndeshën për herë të parë mes tyre në një turne zyrtar.

Mundësi nga Shqipëria Islam Islamaj u ndesh me mundësin nga Kosova Kastriot Sedolli në raundin e 1/8. Islamaj fitoi pastër 5-0 duke siguruar kalimin në çerekfinale, shqiptari kaloi edhe gjeorgjianin Khinchegashvili, por në gjysmëfinale humbi me gjermanin Evald, ndërsa në fund në duelin për medaljen e bronzit humbi me mundësin moldav.

Pa surpriza e mbylli paraqitjen e tij edhe mundësi tjetër shqiptar Osman Hajdari. Pas mundjes dështoi edhe boksi i përfaqësuar nga Alban Beqiri që u mund nga irlandezi Adam Nolan.

Për femra për Shqipërinë ditë e mërkurë garoi Ada Demneri, e cila pati fatin e pjesës tjetër të ekipit kuqezi duke u mundur 13-1 nga spanjollja Eva Gomez. Ne renditjen ekipore kryeson Rusia me 28 medalje: 16 ari 5 argjendi e 7 bronzi, në vendin e dytë Azerbajxhani me 21 medalje 9 ari 3 argjendi dhe e 9 bronzi. 


d.b/shqiptarja.com