POP 5

Lajmet më të lexuara të 5 minutave të fundit

Kronikë

VD/Banesat në Tufinë, negocion
deputeti i PS, pezullohen shembjet 

Banorët e zonës së Tufinës kanë protestuar sot kundër lirimit të banesave të tyre, pasi tokës i ka dalë pronari. Janë banesat e rreth 20 familjeve të cilat me urdhër të gjykatës duhet të lirohen nga banorët, pavarësisht se një pjesë e tyre janë ndërtuar që përpara viteve '90.  VIDEO  FOTO
Banorët e zonës së Tufinës kanë protestuar sot kundër lirimit të banesave të tyre, pasi tokës me sipërfaqe prej 18 000 metra katrorë, i ka dalë pronari. Gjykata ka urdhëruar lirimin e banesave dhe shembjen e tyre. 

Janë banesat e rreth 20 familjeve të cilat duhet të lirohen, pavarësisht se një pjesë e tyre, siç thonë banorët janë ndërtuar që përpara viteve '90. Paraditen e sotme përmbarimi ka tentuar të nxjerrë banorët nga shtëpitë por ka hasur në rezistencën e tyre. Ata kanë dalë në rrugë dhe janë ulur përpara fadromave. Krahas pronësisë së truallit, një pjesë e familjarëve kanë probleme edhe me legalizimin, çka bën që ata të humbasin banesat dhe të mos përfitojnë as dëmshpërblim. Sipas avokatit të familjeve, Baftjar Rusi, vendimi për lirimin e banesave dhe shembjen e tyre shkel të drejtat e qytetarëve.

“Përmbaruesi nuk ka fuqi ekzekutive, nuk mund të hidhet poshtë ligji 7501, të drejtat e pronës janë të paprekshme. Janë shkelur të drejtat e qytetarëve, këta kanë dokumenta, tapi çdo gjë që nevojitet për të gëzuar një pronë. Ky vendim duhet të rrëzohet, sepse dëmtojnë të drejtën e pronës, me këto prona këta banorë jetojnë, nuk kanë të ardhura të tjera. Ndërtimet janë bërë me leje dhe pa leje”, thotë Baftjar Rusi, avokati i familjeve. “Prokuroria të merret me njerëzit e tij të mos dërgoj njerëz këtu të na shkatërrojnë pronën, kemi certifikatën e pronësisë, nuk mund të marrin pronat tona. Ja shikohen prona ime është 30 dynym e këta duan ta shkatërrojnë, kërkojmë të veprohet me drejtësi e jo me padrejtësi”, shprehet njëri prej banorëve.
 

VIDEO/ Banorët e zonës së Tufinës kanë protestuar sot kundër lirimit të banesave të tyre

Banorët shprehen se janë akoma në procese gjyqësore, ndërsa shtojnë se prona e tyre nuk është send që mund të bëhet çfarë të duan përmbaruesit, ndërsa pohojnë gjithashtu se zotërojnë edhe certifikata pronësie. “Këtu janë në total 20 banesa, kemi dokumentat, është tokë arë, kjo nuk mund të ndodhi ne as nuk na kanë thënë se do marrim shpërblim për tokën dhe shtëpitë tona. Ne e kundërshtojmë këtë vendim, është i padrejtë ne duam të pezullohet ky vendim i padrejtë”, tregon një prej banorëve. “Duan të ma marrin, ne e dimë se kush është , ai është një i LSI-së që po na grabit pronën. Ne i kemi të gjitha dokumentat, gjykata nuk është shprehur ende për vendimin, këtu po luhet me dy standarde, duhet të jenë korrekt. Policia u përpoq të ishte korrekte por degjenerojë situata këtu në ish-Tufinë. Madje njëra prej banoreve ka përfunduar në spital, i ra të fikët pas përplasjes me përmbaruesit”, tha njëra prej banoreve.

Arben Borova pronari i truallit
Arben Borova, është shtetasi i cili me vendim gjykate ka fituar pronësinë e truallit ku ndodhen banesat. Sipas informacioneve të marra nga Report Tv, pronari që pretendon pronësinë ka fituar procesin gjyqësor, por është ankimuar dhe vendimi pritet të merret në ditët e ardhshme. 

Negocion deputeti i PS, pezullohen shembejet
Deputeti Xhemal Qefalia ka shkuar pranë banorëve për të parë situatën nga afër, ka kërkuar që të mos pengohet policia për të realizuar punën e tyre, por nga ana tjetër duhet që edhe policia të mos përplaset me banorët.

Deputeti ka kërkuar që të pritet vendimi i gjykatës, vetëm atëherë mund të veprohet. Qefalia ka kërkuar që të ndërpritet puna, por uniformat blu kanë kundërshtuar në fillim, por pas negociatave është vendosur që policia të largohet së bashku me fadromat.

VIDEO/Tufine mberrin fadroma qe do ju prishe shtepite banoret perpalsen me policine, deputeti Qefalia në vendngjarje negocion me policinë, shtyhet prishja deri në vendimin e gjykatës

Rama SMS banorëve: S'ka ç'bën qeveria
Banorët kanë bërë të ditur për kamerat e Report Tv se i janë drejtuar kryeministrit Edi Rama për problemin e pronave. Ndërkohë përgjigja e kryeministrit ka qenë se gjithçka është problem i prokurorisë dhe gjykatave, nuk ka se çfarë të bëjë qeveria. 
celulari mesazhi rames
(Mesazhi i Edi Ramës me banorët)

Banorët ulen përpara fadromave
Banorët e 20 familjeve të cilët rrezikojnë t'u shemben shtëpitë, pasi tokës ku i kanë ndërtuar ata i kanë dalë pronari me vendim gjykate, janë ulur përpara fadromave. Ata paralajmërojnë se nuk lëvizin për asnjë moment, në mbrojtje të pronave të tyre. 

Redaksia Online
Xh.F/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Protesta në Sllovaki kundër raporteve më të ngushta me Rusinë

Protesta në Sllovaki kundër raporteve më të ngushta me Rusinë

10 Janar, 22:25