VD/Berisha flet italisht në Kuvend
deputetët qeshin me të madhe

Ish-kryeministri Sali Berisha ka lexuar në italisht një tekst ku sipas tij, flet për lidhjet e socialistëve me mafien e importit të mbetjeve.
 
Por, teksa ilustronte me lajme nga mediat italiane çështjet e drogës, plehrave etj, Berisha i jepte atyre një theks gegërisht. Kjo ka shkaktuar të qeshura të mëdha në sallë, aq sa deputetët i kanë kërkuar të mos lexojë më tej.
 
I vënë në siklet për italishten e tij, Berisha u detyrua të shpjegojë si e ka mësuar këtë gjuhë.
 
“Kjo italishtja ime është larg të qenurit asaj që duhet të jetë. Po është në atë gjendje, pasi në jetën time nuk kam bërë asnjë orë italisht. E gjithë njohuria ime vjen nga mediat dhe latinishtja ku unë kam qenë një student ekselent. S’kam bërë asnjë orë italisht”, ka reaguar i sikletosur Berisha. 


Redaksia Online
l.q/Shqiptarja.com